चर्चित अन्तर्राष्ट्रिय कराते खेलाडी तथा नेपाली कांग्रेसका युवा नेता मीनकृष्ण महर्जन प्रदेशसभा सदस्यका लागि एक नम्वरमा सिफारिस भएका छन् । ललितपुर क्षेत्र नम्वर एक प्रदेश नम्वर ‘ख’ वाट महर्जनको एक नम्वरमा सिफारिस भएको हो । ललितपुर क्षेत्र नम्वर एक प्रदेश नम्वर ‘ख’ मा १५ वडा रहेका छन । जस्मा १३ वडाले महर्जनको नाम अग्रपंतिमा राखेर प्रत्यक्ष निर्वाचनको लागि प्रदेशसभा सदस्यको निर्वाचनको लागि सिफारिस गरेको हो ।

महर्जनलाई कांग्रेस ललितपुर क्षेत्रिय कमिटी र नेका ललितपुर जिल्ला कार्यसमितिले पनि एक नम्वरमा केन्द्रमा सिफारिस गरेको छ । ०४६ सालमा नेकाको सदस्य लिएका महर्जन त्यसपछि सक्रिय राजनिति गर्दै आएका छन । आफ्नो दुई दसक लामो राजनिति यात्रामा महर्जन तरुण दल केन्द्रीय सदस्य, महाधिवेसन प्रतिनिधि, महासमिति सदस्य भैसकेका छन । त्यस्तै उनी तीन पटक नेका ललितपुर जिल्ला सदस्य वनिसकेका छन । हाल पनि महर्जन जिल्ला सदस्यमा कार्यरत छन ।

त्यस्तै खेलकुद र राजनितिलाई संगसंगै डो¥याउँदै लगेका महर्जन ०६० सालमा तरुण दलको केन्द्रीय सदस्यमा निर्वाचित हुनुको साथै खेलकुद विभाग प्रमुख बनेका थिए । महर्जन करातेका पाँचौं डान तथा पूर्व राष्ट्रिय खेलकुद परिषदका कोषाध्यक्ष पनि हुन ।  साथै ०६२/६३ को लोकतान्त्रिक आन्दोलनमा उपत्यका युवा परिचालन समितिको सदस्य बनेर आन्दोलनलाई सफल पार्न अहम भूमिका निर्वाह गरेका थिए ।

क्षेत्र नम्वर एक प्रदेश नम्वर ‘ख’ मा ३५ हजार मतदाता रहेका छन । जसमध्य गोदावरी नगरपालिका चापागाउँमा मात्र १२ हजार मतादाता छन । महर्जन कुल मतको ४० प्रतिसत मत रहेको चापागाउँका स्थायी वासिन्दा हुन । उनले त्यहिवाट आफ्नो राजनिति करिअर सुरु गरेका हुन । उनको त्यो क्षेत्रमा निकै पडक पनि रहेको छ । उक्त क्षेत्रको मतलाई क्षेत्रकै निर्णायक मत मानिन्छ ।

महर्जनको यहि लोकप्रियता र पकडले गर्दा उनलाई प्रत्यक्ष निर्वाचनको लागि जिल्ला, क्षेत्र र ललितपुर जिल्ला कार्यसमितिले पहिलो नम्वरमा सिफारिस गरेको हो । सवै निकायले पहिलो रोजाई राखेर महर्जनलाई सिफारिस गरेपछि उनलाई पार्टीले टीकट दिने प्राय निश्चित भएको छ । असोज २७ गते त्यसको टुङ्गो लाग्ने छ । अहिले महर्जनलाई टीकट दिलाउन सोहि क्षेत्रका सभासद तथा अर्थराज्य मन्त्री उदयशम्सेर राणा लागेका छन । महर्जनलाई टीकट दिलाउन सफल भए राणाको राजनिति पनि सफल हुने स्थानिय जनताको ठम्याई छ ।