उच्च अदालतका लागि गतवर्ष नियुक्त भएका ८० न्यायाधीशको विवाद सम्बन्धी मुद्दाको अन्तिम सुनुवाइ सरेको छ। सपथ खुवाउने न्यायाधीशकै इजलाशमा पेशी तोकिएपछि सुनुवाइ हुन सकेन । आफैले सपथ गराएका न्यायाधीशविरुद्ध दर्ता भएको मुद्दा इजलाशमा बसेर हेर्न इन्कार गरेपछि मुद्दा सारिएको हो ।
सर्वोच्च अदालतमा अन्तिम सुनुवाइ हुन लागेको उक्त मुद्दा एक सातापछि सरेको हो । उच्च अदालत मुख्य न्यायाधीशबाट हालै मात्र सर्वोच्चको स्थायी न्यायाधीशमा नियुक्त भएका डम्बरबहादुर शाहीले गतवर्ष उनीहरुलाई उच्च अदालतको मुख्य न्यायाधीशको हैसियतले सपथ खुवाएका थिए ।
बुधबार शाहीसहित न्यायाधीशद्वय ओमप्रकाश मिश्र र चोलेन्द्र शमशेर राणाको इजलालाशमा तोकिएको थियो ।गतवर्ष पुस २९ गते मध्यरातमा प्रधानन्यायाधीश निवास बालुवाटारवाट ७ उच्च अदालतमा रिक्त न्यायाधीश नियुक्त गरिएको थियो ।
प्रतिक्रिया