प्रधानमन्त्री शेरबहादुर देउवाले नेकपा माओवादी केन्द्रका मन्त्रीहरुले सम्हाल्दै आएको जिम्मेवारी खोसेका छन् । प्रधानमन्त्री देउवाले माओवादी केन्द्रका सबै मन्त्रीलाई विनाविभागीय बनाएका छन् ।

देउवाले माओवादी केन्द्रका नेताहरुले सम्हाल्दै आएको गृह, परराष्ट्र मन्त्रालय आफूसँगै राखेर राप्रपाका अध्यक्षसमेत रहेका कमल थापालाई ऊर्जा मन्त्रालयको जिम्मेवारी दिएका छन् ।

देउवा सरकारमा माओवादीको एक मन्त्री यथास्थानमै !

प्रधानमन्त्री देउवाले माओवादी केन्द्रका सबै मन्त्रीहरुको जिम्मेवारी खोसिएपनि एक जना मन्त्रिको भने जिम्मेवारी खोसिएका छैनन् । माओवादीबाट जनसंख्या तथा वातावरण मन्त्री भएकी मिथिला चौधरीलाई प्रधानमन्त्री देउवाले यथास्थानमै राखेका हुन् ।

प्रधानमन्त्रीले माओवादी केन्द्रका नौ मन्त्रीलाई विना विभागीय बनाएपनि चौधरीलाई भने जिम्मेवारीबाट हटाएका छैनन् ।

चौधरी पहिला नेकपा संयुक्तबाट मन्त्री भएकी थिईन । तर, संयुक्त पार्टीले माओवादीसँग एकता गरेपछि उनी माओवादीबाट मन्त्री भएकी थिईन ।

प्रधानमन्त्री शेरबहादुर देउवाले राप्रपाका चार मन्त्रीहरुलाई जिम्मेवारी बाँडफाँड गरेका छन् । उपप्रधानमन्त्री कमल थापाले उर्जा मन्त्रालयको जिम्मेवारी पाएका छन् । गृहमन्त्रालय भने प्रधानमन्त्रीले आफैं राखेका छन् ।

माओवादीलाई जिम्मेवारीबाट हटाएर खाली गराइएको परराष्ट्र मन्त्रालय पनि प्रधानमन्त्रीले आफैं राखेका छन् ।शनिबार सपथ ग्रहण गरेका मन्त्री दिलनाथ गिरीले शहरी विकास मन्त्रालयको जिम्मेवारी पाएका छन् भने जयन्त चन्दले आपूर्ति मन्त्रालय र विक्रम थापाले महिला वालवालिका तथा समाज कल्याण मन्त्रालयको जिम्मेवारी पाएका छन् ।

प्रंधानमन्त्री देउवाले माओवादीका  मन्त्रीहरुलाई विनाविभागीय बनाएर राप्रपाका मन्त्रीलाई जिम्मेवारी दिएका हुन् ।