कुकुर तिहारको अवसरमा आज नेपाल प्रहरीको केन्द्रीय प्रहरी कुकुर तालिम विद्यालय महाराजगंजमा नेपाल प्रहरीमा सेवारत कुकुरहरुको पुजा गरि मनाईएको छ ।
सो अवसरमा कुकुरहरुलाई मालाले सजाइएको थियो भने मिठामिठा परिकार समेत खान दिइएको थियो ।
नेपाल प्रहरीमा अपराध अनुसन्धान, विमानस्थल, विशिष्ट व्यक्तिहरुको सुरक्षा लगायतका क्षेत्रहरुमा कुकुरहरुको प्रयोग हुँदै आएको छ ।
नेपाल प्रहरीमा विक्रम संवत २०२६ सालबाट कुकुरहरुको प्रयोग प्रारम्भ भएको हो । नेपाल प्रहरीमा कुकुरको प्रयोग र केहि चर्चित अनुसन्धानका लागि कुकुर तालिम विद्यालयको स्थापना गरिएको नेपाल प्रहरीले जनाएको छ ।
तस्बिरसहित..
प्रतिक्रिया