११ वर्षीय बालक लक्ष्मण शिवाकोटीको हत्याराको खोजी नगरिदिएको भन्दै भएको आन्दोलनमा प्रहरीले हानेको गोली लागेर अर्जुनधारा नगरपालिका–५ निवासी नरेश थापाको मृत्यु भएको छ ।
कोखामा गोली लागेका थापाको उपचारको क्रममा मेची अञ्चल अस्पताल भद्रपुरमा मृत्यु भएको जिल्ला प्रहरी कार्यालय झापाका प्रहरी उपरिक्षक विष्णु केसीले दिएको जानकारी दिनुभयो ।
प्रदर्शनमा प्रहरीको गोली लागेर अन्य २ जना घाइते भएका छन् भने भागदौडमा सुरक्षाकर्मी र आन्दोलनकारी जम्मा ८ जना घाइते भएको प्रहरीले जनाएको छ ।
गोली लागेर घाइते हुनेहरुमा राजगढका सुनिल पाठक र माइ नगरपालिका १ इलामका मणि नेपाली रहेका छन् ।
घाइते पाठकको वि एण्ड सी अस्पताल विर्तामोड र कोखामा गोली लागेका तथा मणि नेपालीको मेची अञ्चल अस्पताल भद्रपुरमा उपचार भइरहेको छ ।
यस्तै भागदौडका क्रममा मेनपाका अशोक बस्नेत, दुर्गापुरका नवराज कोइराला, अर्जुनधाराका पुण्य प्रसाद लुइटेल को वि।एण्ड सी अस्पताल र देवानन्द राजवंशीको मेची अञ्चल अस्पताल भद्रपुरमा उपचार भइरहेको छ ।
यस्तै आन्दोलनकारीको ढुङ्गा लागेर शसस्त्र प्रहरीका एसपी रमेश सुवेदीको टाउकोमा चोट लागेको छ ।
तस्बिर : रेजिना गौतम
प्रतिक्रिया