चीनको ल्हासास्थित आर्थिक तथा प्राविधिक विकास क्षेत्रका अधिकारीको एक टोलीले झापाको दमकमा निर्माण हुने भनिएको औद्योगिक क्षेत्रको स्थलगत अवलोकन गरेको छ । औद्योगिक क्षेत्र अध्ययन गर्न नेपाल आएको १२ सदस्यीय चिनियाँ टोलीले विहिबार दिनभर औद्योगिक क्षेत्र स्थलगत अध्ययन गर्नाका साथै सरोकार भएकाहरुसँग अन्तरक्रियासमेत गरेको छ ।
ल्हासा आर्थिक तथा प्राविधिक विकास क्षेत्रको कार्यकारी समितिका उपसचिव लिउ रुपेङ नेतृत्वको अध्ययन टोलीले चीन नेपाल यइ इन्डस्ट्रियल पार्क निर्माणको समझदारीपत्रबारे स्थानीय सरोकार भएका पक्ष र नगरपालिकाका प्रतिनिधिसँग छलफल गरेको हो ।
औद्योगिक उद्यानका अध्यक्ष गोविन्द थापाका अनुसार हिजो विहिबार बिहान चिनियाँ टोलीलाई दमक नगरपालिकाले आयोजना गरेको स्वागत कार्यक्रममा लिउले दमकमा स्थापना हुने औद्योगिक क्षेत्रमार्फत नेपालको आर्थिक क्रान्तिलाई सघाउ पु¥याउन चीन सरकार इच्छुक रहेको बताएका थिए ।
दमक नगरपालिकाका कार्यकारी अधिकृत युवराज दाहालले चीन सरकारले तीन खर्ब ३३ अर्बको लगानीमा औद्योगिक उद्यान बनाइदिनेसम्बन्धी सम्झौता यसअघि नै भइसकेको जानकारी दिएका छन् ।
तस्बिर रासस
प्रतिक्रिया