मधेशका घटना तथा मधेश आन्दोलनमा आधारित ‘मधेशी पुत्र २’ को सेन्सर पास गर्न माग गर्नुपर्ने भन्दै मधेशी कलाकारहरु आन्दोलनमा उत्रिएका छन् ।
‘मधेशी पुत्र २’ चलचित्रमा आन्दोलनका दृष्यहरु र स्वतन्त्र मधेशको माग गर्दै शान्तिपूर्ण आन्दोलनमा रहेका डा.सीके राउतको भूमिका राखेको भन्दै सेन्सर बोर्डले ती दृष्यहरु र डा.राउतको भूमिका हटाउन निर्देशन दिएको छ । सो चलचित्रलाई पास गराउनुपर्ने माग राख्दै सडकमा उत्रिएका कलाकारलाई स्थानियले पनि साथ दिएका छन् ।
हजारौंको संख्यामा आएका सर्वसाधारणहरुले यो चलचित्र सेन्सर बोर्डले पास गर्नुपर्ने माग गरेका छन् । राजविराजमा निकालिएको विरोध प्रदर्शनमा सोही चलचित्रका कलाकारहरु, अन्य कलाकार र स्थानीयहरुको उल्लेख्य सहभागिता थियो ।
आयोजित कोणसभामा फिल्मका निर्माता उदितनारायण साह, सँगीतकार तथा कलाकार कमल मण्डल, कलाकारहरु रुकेश साह, देवेन्द्र यादव, दीपनारायण साह लगायतले सम्बोधन गरेका थिए ।
यता, निर्माता समूहले ‘मधेशी पुत्र २’ मा सामाजिक सद्भाव खल्बल्याउने खालका कुनै किसिमको दृष्य वा कथा नरहेको भन्दै यो एउटा राजनीतिक घटनाको आधारमा तयार पारिएको चलचित्र रहेको दावी गरेका छन् ।
प्रतिक्रिया