रुपन्देहीको सदरमुकाम भैरहवामा सिक्सलेन सडक बनाउने जिम्मा पाएको कालिका तामाङ प्यासेफीकले सडक निर्माण गर्ने क्रममा गुणस्तरहीन कार्य गरेको छ । एक ठाउँको सडकको माटो अर्को सडकमा उठाएर राख्ने गरेको छ भने अहिले सडकपेटीमा बिछाइएका टायल जो कोहीले माटोको डल्लोजस्तै सजिलै हातले भाँच्न सकिन्छ ।

सन् २०१४ जुन १६ मा ठेक्का सम्झौता गरेका कालिका तामाङ प्यासेफिक जेभीले २०१६ जुलाई १६ मा ठेक्का सम्झौताबमोजिम कार्य सम्पन्न गर्नुपर्ने थियो । समयमै काम गर्न नसक्ने अनि विभिन्न बहाना बनाएर म्याद थपका लागि कागजात पेश गर्न पल्किएको कालिका तामाङ जेभीले २०७२ असोज २१ मा १२० दिनका लागि थप म्याद पायो ।

त्यसपछि २०७२ माघ ६ गते ८४ दिनको म्याद थम्यो । पेश गरेको कागजात र अवस्थाको आकलन गर्दै पुनः तेस्रो पटक १८२ दिनका लागि म्याद थप भयो जसअनुसार सन् २०१७ अगस्त ३ मा १८२ दिनको थप म्याद पनि सकियो । र, फेरि चाथो पटकको म्याद थप गरि काम गर्दै छ तर त्यो सम्झौता पनि सिकिनै लाग्यो काममा भने कछुवाकै गति छ ।

ठेक्का सम्झौतामा माटोमा धुलो उड्न नदिनको लागि पानी हाल्ने भनिएको छ तर नगरपालिकाभित्रै धुलो उडाउने उही कम्पनी हो । डण्डा नदी आसपासको बाटो बनाउँदा अञ्चलपुरको सडक खनेर माटो बोक्छ भने अञ्चलपुरको सडकमा डण्डा नदी आसपासको माटो ल्याएर सडक निर्माण गरेको छ । सम्बन्धित निकायले कामको निगरानी नगर्ने र पटक पटक म्याद थपि दिँदा गुणस्तरहीन कार्य भैरहेको छ, नगर भित्रको गुणस्तरहीन कार्यले नगरबासीलाई नै सास्ती हो ।

– पुनहरि बेल्बासे