पार्टी एकीकरणबारे विभिन्न आशंका चलेपछि दबाब महसुस गरेका नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल बीच आज दिउँदो तीन घण्टा एक्लाएक्लै वार्तालाप भएको छ । ओली निवास बालकोटमा दिउँसो एकदेखि चार बजेसम्म भएको भेटवार्तामा प्रदेश सरकार र राष्ट्रियसभा गठन तथा पार्टी एकताबारे छलफल भएको बुझिएको छ ।

दुई अध्यक्षको भेटमा कार्यदलको प्रतिवेदन, प्रदेश सरकारको गठन र राष्ट्रियसभा निर्वाचन विषयमा छलफल भएको थियो । राष्ट्रियसभाको निर्वाचनमा साझा उम्मेदवार, प्रदेश सरकारको गठन, प्रदेशका मुख्यमन्त्री, सभामुखलगायत विषयमा साझा धारणा बनाएर जानेबारेमा छलफल भएको र पार्टी एकतालाई टुङ्गोमा पु¥याउन भोली शनिबार दुई अध्यक्षबीच पुनः छलफल गर्दै माघ ७ गते पार्टी एकता संयोजन समितिको बैठक बोलाउने निर्णय भएको पनि बताइएको छ ।