निर्बाचन आयोगमा प्रतिनिधिसभा निर्वाचनको समानुपातिक सांसदको सूची बुझाउनका लागि कांग्रेस, माओवादी तथा मधेसकेन्द्रित दलहरु आन्तरिक गृहकार्यमा जुटेका छन् । सांसदको सूची बुझाउनका लागि आयोगले दिएको म्याद आज सकिदै छ ।

आयोगका अनुसार दलहरुलाई प्रतिनिधिसभा निर्वाचनको समानुपातिक सांसदको सूची बुझाउने अन्तिम समय आज साँझ ५ बजेसम्मका लागि दिइएको छ ।

आफ्ना सांसदहरुको सूची आयोगमा बुझाउन बाँकी रहेका दलहरुले आज बिहानैदेखि दौडधुपमा लागिपरेका छन् । उता, सांसदको नामावलीबारे छलफल गर्न नेपाली कांग्रेसले बिहान कार्यसम्पादन समितिको बैठक समेत डाकेको बालुवाटार स्रोतले जनाएको छ ।

आयोगका अनुसार सामानुपातिकतर्फ ४० सिट पाएको कांग्रेसले २० जना महिला पठाउनु पर्ने, माओवादीले १७, संघीय समाजवादी फोरम र राजपाले ६–६ सिट पाएका छन् । नेकपा एमालेले भने आइतबार नै समानुपातिक सांसदहरुको नामावली निर्बाचन आयोगमा पठाइसकेको छ ।