कैलालीको जिल्ला अदालतमा आज आत्मसमर्पण गरेका टीकापुर घटनाका अभियुक्त रेशम चौधरीको यतिबेला अदालतमा बयान लिने कार्य भइरहेको बुझिएको छ । आफूलाई निकै ‘स्मार्ट’ ठान्ने र सोहीअनुसार व्यवहार एवम् भावभङ्गिमा प्रस्तुत गर्ने स्वभावका चौधरीले बयानका क्रममा आफूलाई निर्दोष सावित गर्ने भरमग्दूर प्रयत्न गरिरहेको सुत्रले जनाएको छ ।
रेशम चौधरीले आफूकैलाली घटनाको दोषी नभई एक पीडित भएको तर्क गरेर अदालतलाई नै गुमराहमा पार्ने कोशिस गरिरहेका छन् । घटनापछि फरार रहँदै आएका उनले भूमिगत स्थलबाट विभिन्न मिडियामा फोन सम्पर्क गरी यस्तै जिकीर गर्दै आएका थिए । चौधरीको बयान जारी छ भने बयानपछि उनलाई हिरासतमा लगिने सम्भावना प्रवल रहेको बताइएको छ ।
यो पनि हेर्नुहोस् –
रेशम चौधरीद्वारा आत्मसमर्पण
प्रतिक्रिया