नेपाल क्रेडिट एण्ड कर्स बैंक लि.को कास्की जिल्ला, पोखरा लेखनाथ महानगरपालिका–१७, बिरौटामा सञ्चालित शाखा कार्यालयको पोखरा लेखनाथ महानगरपालिकाका प्रमुख मानबहादुर जी.सीले एक कार्यक्रमका बीच औपचारिक उद्घाटन गरेका छन् ।
सो अवसरमा जि.सीले विधि विधानलाई आत्मसात गरी बैंक सफल हुने हुँदा एनसीसी बैंकले पनि सोही कुरा अवलम्बन गरी अगाडी बढ्न शुभकामाना व्यक्त गरे । उक्त अवसरमा सोही महानगरपालिका वडा नं. १७ का वडाध्यक्ष तीर्थराज अधिकारीले पनि बैंकको प्रगतिको लागि शुभकामना मन्तब्य दिए ।
कार्यक्रममा पोखरा उद्योग वाणिज्य संघका अध्यक्ष विश्वशंकर पालिखे, निर्माण व्यवसायी संघ कास्कीका वरिष्ठ उपाध्यक्ष सुरेश श्रेष्ठ, पोखरा लेखनाथ महानगरपालिका कार्यपालिका सदस्य ओमप्रसाद गौचनले समेत शुभकामना व्यक्त गरेका थिए ।
कार्यक्रममा नेपाल राष्ट्र बैंक, पोखरा कार्यालय प्रमुख, नेपाल राष्ट्र बैंकका निर्देशक पोमनाथ गौतमले आफ्ना सान्दर्भिक विचारहरु राख्दै यस शाखाले उत्तरोत्तर प्रगति गरोस भन्ने कामना गरे ।
एनसीसी बैंकका प्रमुख कार्यकारी अधिकृत रमेशराज अर्यालले यस क्षेत्रमा स्थापना भएको यस शाखाले कृषि र पर्यटन उद्योगमा हुने लगानीलाई जोड दिने, गुणस्तरीय र उत्कृष्ट सेवा प्रदान गर्ने प्रतिबद्धताका साथै आगन्तुक सम्पूर्ण अतिथिहरुलाई स्वागत गरेका थिए ।
कार्यक्रमका अध्यक्ष एवं एनसीसी बैंक संचालक समितिका अध्यक्ष उपेन्द्र केशरी न्यौपानेले यस क्षेत्रका वासिन्दा, जन प्रतिनिधि र समस्त उद्योग व्यवसायीको सहयोग र शुभेच्छा आवश्यक रहेको र बैंकले पनि वित्तीय अनुशासन भित्र रही उत्कृष्ट बैंकिङ सेवा प्रदान गर्ने विचार व्यक्त गरे ।
प्रतिक्रिया