प्रधानन्यायाधीशमा प्रस्तावित दीपकराज जोशीको नाम अनुमोदन गर्ने वा नगर्ने भन्ने निर्णय गर्न बसेको संसदीय सुनुवाइ विशेष समितिको बैठक १५ मिनेटका लागि स्थगन भएको छ ।

जोशीबारे निर्णय गर्न बिहान साढे १० बजे समितिको बैठक बोलाइए पनि सर्वसम्मत हुन नसकेपछि बैठक १५ मिनेटका लागि स्थगित गरिएको हो ।

अब प्रस्तावित प्रधानन्यायाधीश जोशीबारे संसदीय सुनुवाइ विशेष समितिमा मतदान हुने भएको छ । मतदानपछि बहुमत अल्पमतका आधारमा निर्णय लिइनेछ । १५ सदस्यीय सुनुवाइ विशेष समितिमा नेकपाका ९, कांग्रेसका चार, फोरम र राजपाका १–१ सदस्य छन् ।

दुईतिहाइ मतले अस्वीकार गरे जोशीको प्रधान्यायाधीश बन्ने बाटो रोकिनेछ । सत्तारुढ दल उनलाई प्रधान्यायाधीश नबनाउने पक्षमा छन् ।