एसियाली विकास बैंक (एडीबी)ले समुदायद्वारा व्यवस्थित नेपालका २० वटा शहरी क्षेत्रका नगरपालिकामा व्यवस्थित पानी आपूर्ति तथा सरसफाइमा पहुँच सुधार गर्न १३ अर्ब रुपैयाँभन्दा बढी ऋण स्वीकृत गरेको छ ।
बैंकको प्रधान कार्यालय मनिलामा आज सम्पन्न बैंक कार्यकारी समितिको बैठकले उक्त रकम ऋणस्वरूप उपलब्ध गराउन स्वीकृति जनाइएको हो । बितेका १८ वर्षमा एडीबीले ७० वटा साना शहरमा समुदायद्वारा व्यवस्थित पानी आपूर्ति तथा सरसफाइ आयोजना सफलतापूर्वक सम्पन्न गर्दै आएको छ ।
उक्त ऋणस्वरूप सञ्चालन हुने नयाँ परियोजनाअन्तर्गत देशका २० वटा शहरी क्षेत्रमा एक हजार ६ सय मिटर पाइपलाइन बिछ्याउने, १५ वटा जल प्रशोधन केन्द्र निर्माणमा सहयोग गर्नुका साथै आठ हजार सार्वजनिक शौचालय निर्माण गरिनेछ । त्यसैगरी, दुईवटा ढल निकास र ३० किलोमिटर लामो ढल निकासको नाला पनि निर्माण गरिनेछ ।
प्रतिक्रिया