सप्तकोसी नदीमा हालै आएको बाढीका कारण सप्तरीको हनुमाननगर कंकालनी नगरपालिकामा लगाइएको लाखौँ मूल्यबराबरको केराखेती नष्ट भएको छ ।
हनुमानगर कंकालनी नगरपालिका–१ भारदह र वडा नं. २ को कोसी पुल क्षेत्रमा करिब पाँच सय बिघामा लगाइएको केराखेती नष्ट भएको स्थानीय दिनेश राउतले बताए । सप्तकोसीको बाढी खेतमा पसेपछि केराखेती नष्ट भएको हो । भारदहको विभिन्न स्थानमा लगाइएको केराखेतीमा पानी थुनिएर बोट सुक्न थालेको छ ।
एक बिघा जग्गामा केराखेती गर्न रु. तीन लाखसम्म खर्च हुने गरेको किसानले बताएका छन् । हनुमाननगर कंकालनी नगरपालिका–२ जोगिनियाँस्थित कोसी पलारमा लगाएको केराखेतीसमेत बाढीका कारण नष्ट भएको छ । यहाँ तीन सय बिघामा केराखेती गरिएको छ ।
प्रतिक्रिया