नेपालमा आयोजना गरिएको एसिया प्यासिफिक समिट–२०१८ मा सहभागी हुन काठमाडौ आएका नाउरुका सम्माननीय राष्ट्रपति बरुन दिभेदी वाबा र फिलिपिन्सकी माननीय उपराष्ट्रपति लिनि रोब्रुडोले शनिबार चन्द्रागिरि केबलकारको भ्रमण गरेका छन् । अनौपचारिक भ्रमणको क्रममा रहेका पाहुनालाई चन्द्रागिरि हिल्स लिमिटेडका अध्यक्ष चन्द्रप्रसाद ढकाल तथा संचालक हेमराज ढकाल र कल्याण गुरुङले स्वागत गर्दै परियोजनाको स्थलगत भ्रमण गराएका हुन् ।
भ्रमणमा सहभागी नाउरुका राष्ट्रपति र फिलिपिन्सकी उपराष्ट्रपतिले चन्द्रागिरि अत्यन्तै सुन्दर ढङ्गले निर्माण गरिएको र चन्द्रागिरिबाट एकदमै सुन्दर दृष्य देखिएको प्रतिक्रिया दिँदै आगामी दिनमा पुनः भ्रमण गर्ने इच्छा रहेको जनाएका थिए ।

ऐतिहासिक, साँस्कृतिक तथा प्राकृतिक महत्व बोकेको चन्द्रागिरि डाँडामा यस कम्पनीले भालेश्वर महादेव मन्दिर, सत्तल, भ्यू टावर, चिल्ड्रेन पार्क र सेमिनार हल लगायतका पूर्वाधार निर्माण गरेर चन्द्रागिरि डाँडालाई एकीकृत पर्यटकीय गन्तव्यको रुपमा विकास गरिरहेको छ ।