प्रमुख प्रतिपक्षी दल नेपाली काङ्ग्रेसले पार्टीको विधानलाई सङ्घीय संरचनाअनुसार परिमार्जित गर्न तयार गरेको विधान संशोधनको प्रस्ताव मंसिर ९ गते नै केन्द्रीय कार्यसमितिमा पेस गरेको थियो । पार्टीको विधान संशोधन मस्यौदा समितिका संयोजक एवं महामन्त्री पूर्णबहादुर खड्काद्वारा पेश गरिएको प्रस्तावित विधान मस्यौदामाथिको छलफल अझै जारी छ ।

छलफलका लागि सभापति शेरबहादुर देउवाको सभापतित्वमा बसेको बैठकमा सोमबार केन्द्रीय सदस्य बलबहादुर केसी, डा. नारायण खड्का, उमाकान्त चौधरी, महालक्ष्मी उपाध्याय ‘डिना’, डा. शेखर कोइराला, जीवनबहादुर शाही, रत्ना शेरचन र किरण यादवले आ–आफ्नो धारणा राखेका कांग्रेस पार्टी कार्यालयले जनाएको छ ।