नेपाली काङ्ग्रेसका सभापति शेरबहादुर देउवाले वाइड बडी विमान खरीद प्रकरणमा आफ्नो कुनै सअभागिता नभएको प्रष्ट पारेका छन् ।

धनगढी विमानस्थलमा आयोजित पत्रकार सम्मेलनमा पूर्वप्रधानमन्त्री देउवाले वाइड बडी विमान खरीद प्रकरणमा आफ्नो नाम जोडेर भ्रम सिर्जना गर्नु बेकारको कुरा भएको बताएका हुन् । ‘विमान खरीद प्रक्रियाका सबै महत्वपूर्ण निर्णय तत्कालीन केपी शर्मा ओली सरकारकै पालामा भएको हो ।’ उनले भने, ‘निणय गने एउटा अनि म कसरी अनियमितता गर्ने पात्र भएँ ?’ उनले विमान खरिद प्रकरणका दोषीलाई छाड्न नहुने भन्दै सरकारको ध्यानाकर्षण गराएका छन् ।

एक अर्को प्रसंगमा सभापति देउवाले नेपाली काङ्ग्रेस महासमितिको बैठकपछि पार्टी एक ढिक्का भएको दावी गर्दै नेविसङ्घको विवाद चाँडै समाधान हुने विश्वास ब्यक्त गरे ।