चीनको मध्य तथा उत्तरी क्षेत्रमा आगामी केही दिन अत्यधिक हिमपात हुने पूर्वानुमान गरिएको छ । राष्ट्रिय जलवायु केन्द्रले बुधबार सार्वजनिक गरेको पूर्वानुमान अनुसार बुधबार रातिदेखि नै ती क्षेत्रहरूमा अत्यधिक हिमपात शुरु हुनेछ ।

हिमपात आउँदो शुक्रबारसम्म हुन सक्ने जलवायु केन्द्रका उच्च अधिकारीहरूले अनुमान गरेको समाचारमा जनाइएको छ ।

स्वशासित क्षेत्र तिब्बतमा भने बुधबार रातिदेखि शनिबारसम्म नै हिमपात हुन सक्ने जलवायु केन्द्रको पूर्वानुमान छ । केन्द्रले दक्षिणपूर्वी क्षेत्र र साङगोङ, हुबेई र हुनना प्रान्तमा भने बाक्लो हुस्सु लाग्न सक्ने जनाएको छ ।