भारतको झारखण्ड राज्यमा रहेको एक विद्यालयमा वसन्तपञ्चमीको उपलक्ष्यमा वितरण गरिएको प्रसाद ग्रहणपछि ४० जना विद्यार्थी बिरामी परेका छन् ।

पूजापछि विद्यालयमा वितरण गरिएको मिठाई खाएपछि ती विद्यार्थी बिरामी परेका र उपचारपछि उनीहरूको अवस्थामा सुधार आएको बताइएको छ ।

झारखण्ड राज्यमा अवस्थित सदार अस्पतालका एक चिकित्सक एस सा खालिदले बिरामी भएर ४० जना विद्यार्थी अस्पतालमा उपचारको लागि आएका र तीमध्ये दुईजनाको अवस्था गम्भीर रहेको बताए ।

ती विद्यार्थीलाई विषाक्त खानेकुरा परेको र उनीलाई पेट दुख्ने र बान्ता हुने समस्या देखापरेको खालिदले बताए । हाल उनीहरूको उपचार भइरहेको खालिदले थप जानकारी दिए ।

यस घटानको अनुसन्धान भइरेहको जिल्ला शिक्षा अधिकारीले बताए । यस घटनाका दोषीलाई कारबाही गरिने पनि उनले जानकारी दिए ।