भारतीय राष्ट्रिय कंग्रेसका अध्यक्ष राहुल गान्धीले पुलवामामा भएको आतंकवादी आक्रमणलाई प्रधानमन्त्री नरेन्द्र मोदीले अति राजनीतीकरण गरेको आरोप लगाएका छन् ।

‘हामीले त्यसलाई कुनै राजनीतीकरण गरेका छैनौँ, घटनालगत्तै हामीले पत्रकार सम्मेलन नै गरेर यस विषयमा सुरक्षा निकाय र सरकारलाई सहयोग गर्ने बताएका थियौँ, तर दुर्भाग्य सरकारले भने त्यस विषयलाई राजनीतीकरण ग¥यो,’ गान्धीले भने ।

उनले प्रतिपक्षी दल कंग्रेस र अन्य दलहरूले सरकारप्रति देखाएको ऐक्यबद्धतालाई सरकारले दुरुपयोग गरेको टिप्पणी पनि गरे ।

आउँदो आमनिर्वाचनलाई लक्षित गरेर आयोजित चुनावी सभालाई सम्बोधन गर्दै राहुलले देशका लागि जीवन अर्पण गरेका आफ्नो पार्टीका नेताहरू देशका लागि शहीद बन्न पनि तयार रहेको बताए ।