नेपालमा तेक्वान्दो खेलको विकासमा महत्वपूर्ण योगदान पुऱ्याएवापत नेपाल तेक्वान्दो संघका अध्यक्ष प्रकाशशम्शेर राणालाई दक्षिण कोरियाली सरकारले सम्मान गर्ने भएको छ ।

कोरियाली सरकारले प्रत्येक वर्ष सेप्टेम्बर ४ को दिनलाई तेक्वान्दो दिवसको रुपमा मनाउने गर्दछ । उक्त अवसरमा संसारभरबाट एक जनालाई तेक्वान्दो विकासमा काम गरेवापत सम्मान गर्ने गर्दछ । यसपटक राणालाई उक्त सम्मान प्रदान गर्ने कार्यक्रम रहेको बुझिएको छ । राणासंगै संयुक्त राज्य अमेरिकाका एक जना नागरिकलाई पनि सम्मान गरिने बताइएको छ ।

कोरियाका खेलकुद मन्त्रीद्वारा एक विशेष समारोहबीच सम्मान प्रदान गर्ने कार्यक्रम रहेको छ ।