दीपावली पर्वको तयारीमा सावधानी नअपनाइदा महोत्तरीमा एक किशोरको मृत्यु भएको छ । लक्ष्मीपूजाका अवसरमा आइतबार साँझ झिलीमिली बत्तीको तार जडान गर्ने क्रममा रामगोपालपुर नगरपालिका–८ टिकुलिया बजारमा प्रवाह भएको विद्युतको झट्काले धनुषा जिल्लाको जनकपुर उपमहानगरपालिका–२१ निवासी १५ वर्षीय किशोर खगेन्द्र साहको मृत्यु भएको हो ।

महोत्तरी जिल्ला प्रहरी कार्यालयले जनाएअनुसार टिकुलिया बजारस्थित जयमहाराजा ज्वेलर्स (सुनचाँदी पसल)मा झिलीमिली बत्ती जडान गर्ने क्रममा उनको मृत्यु भएको हो । बत्ती जडान गर्ने क्रममा मुख्य पोलको तारबाट प्रवाह भएको विद्युतीय झट्काले साहको घटनास्थलमै मृत्यु भएको थियो । प्रहरीले शवपरीक्षणका लागि जनकपुर अञ्चल अस्पतालमा पठाएको छ ।