बृहस्पति विद्या सदनले क्यान्सर दिवसको अवसरमा वाकाथन आयोजना गरेको छ । बृहस्पति विद्या सदनले क्यान्सर दिवसको अवसर पारेर क्यान्सरबारे जनचेतना जगाउन वाकाथनको आयोजना गर्ने गर्दछ ।

यसपटक ३ किलोमिटरको वाकाथन आयोजना भएको थियो । जसमा बृहस्पतिका शिक्षक, कर्मचारी, अभिभावक, विद्यार्थी, राई स्कुलका शिक्षक, विद्यार्थी र सुकल्प इन्टरनेसनलका कर्मचारीगरी करिव २ सय जनाले ३ किलोमिटर वाकाथन गरेका थिए । वाकाथनको बृहस्पतिका प्रिन्सिपल कुमार थापाले उद्घाटन गरेका थिए ।

वाकाथन कृहस्पति प्राङ्गणबाट शुरु भइ सानो गौचरण, कालोपुल, हाँडीगाँउ, टंगाल हुदै विद्यालय हातामा आएर टुंगिएको थियो । उद्घाटन अघि ह्याम्स अस्पतालका सिनियर क्यान्सर विशेषज्ञ डाक्टर अरुण शाही, ह्यामसकै डाक्टर दिव्य मित्तल र क्यान्स अस्पतालका डाक्टर अन्जली पण्डितले क्यान्स लाग्नुका कारण, समाधान र खानपिनका बारेमा प्रकाश पारेका थिए ।