प्रमुख प्रतिपक्षी दल नेपाली कांग्रेसका सभापति तथा पूर्वप्रधानमन्त्री शेरबहादुर देउवाले सेक्युरिटी प्रिन्टिङ प्रेस खरिद प्रकरणमा भएको ७० करोड रुपैयाँको बार्गेनिङसम्बन्धी छानबिनमा भएको ढिलाइप्रति आपत्ति जनाएका छन् ।
देउवाले आइतबार प्रतिनिधिसभाको बैठकमा निवर्तमान सूचना तथा सञ्चार प्रविधिमन्त्री गोकुल बाँस्कोटा अडियो प्रकरणलाई छानबिन नगरेर आलटाल गर्न खोजिएको भन्दै आपत्ति जनाएका हुन् ।
अडियोमा हामीलाई कति आउँछ भनेर भनेकोमा हामीभित्र को–को पर्दछन् प्रस्ट पार्न देउवाले माग गरे । उनले भने, ‘बाँस्कोटाले अडियोमा हामी भनेर कसलाई भनेका हुन् ? हामीभित्र को–को पर्दछन् ? प्रस्ट पार्नुस् ।’
उनले अडियोलाई प्रधानमन्त्री ओलीले नक्कली भनेकोप्रति रोष प्रकट गरे ।
प्रतिक्रिया