कोरोना संक्रमित व्यक्तिको संख्या निरन्तर बढ्ने क्रममा नेपालमा थप १० जनामा संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको पछिल्लो (२९ वैशाख) जानकारीअनुसार राष्ट्रिय जनस्वास्थ्य प्रयोगशालामा गरिएको परीक्षणमा थप १० जनामा संक्रमण पुष्टि भएको हो ।
अब मुलुकभर संक्रमितको संख्या १२० पुगेको स्वास्थ्य मन्त्रालयका सह-प्रवक्ता डा. समिरकुमार अधिकारीले जानकारी दिएका छन्।
डा अधिकारीद्वारा जारी विज्ञप्तिका अनुसार नयाँ संक्रमित सबै कपिलवस्तुका हुन् । यशोधरा गाउँपालिका–५ र बुद्धभूमि नगरपालिका-७ र १० का १८, १९, २० (दुई जना), २४, ३०, ३१ र ३४ (दुई जना) वर्षका पुरुषमा संक्रमण पुष्टि भएको हो भने एकजना संक्रमितको उमेर खुलेको छैन ।
प्रतिक्रिया