विकास रौनियार, धादिङ

धादिङमा मृत्यु भएका रसुवाका एक युवकमा मृत्युपछि कोरोना संक्रमण पुष्टि भएको छ । गल्छी गाउँपालिकाको बैरेनी बजारमा अशक्त भई ढलेका २९ वर्षीय युवकको मृत्युपछि कोरोना पुष्टि भएको हो ।

चितवनबाट रसुवाको गोसाइँकुण्ड–६ मा रहेको घर जानलाई आएका ती युवक गल्छी बजारमै अशक्त भइ ढलेका थिए । भदौ १४ गते उद्धारका लागि गजुरीस्थित प्राथमिक स्वास्थ्य केन्द्रमा भर्ना गर्न ल्याउँदा ल्याउँदै बाटैमा मृत्यु भएको थियो ।

मृत्युपछि स्वाब परीक्षण गर्दा कोरोना पुष्टि भएको गजुरी गाउँपालिका अध्यक्ष राजेन्द्र बस्नेतले जानकारी दिए ।

नेपाली सेना र नेपाल प्रहरीको टोलीले स्वास्थ्य मन्त्रालयको प्रोटोकलअनुसार मृतकको शव व्यवस्थापन गरेको जानकारी उनले दिए ।