नेपालमा सोमबार (५ असोज) थप ११५४ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा थपिएको सहित नेपालमा कुल संक्रमित संख्या ६५,२७६ पुगेको छ ।

स्वास्थ्य मन्त्रालयले नियमित प्रेस ब्रिफिङमा जनाएअनुसार नेपालमा कोरोनाबाट पछिल्लो २४ घण्टामा थप १६ जनाको मृत्यु भएको छ । ३ महिला र १३ पुरुषको मृत्यु भएको हाो ।

मन्त्रालयका अनुसार झापामा ७२, सुनसरीमा ४९, पर्सामा ८८, भक्तपुरमा ८४ र ६२ वर्षीय पुरुषको मृत्यु भएको छ । काठमाडौंमा ५८ र ७३ वर्षीय, मकवानपुरमा ६८, ललितपुरमा ६१, चितवनमा ५५, रुपन्देहीमा ६७, बाँकेमा ५० र ५९ वर्षीय पुरुषको कोरोनाबाट मृत्यु भएको हो ।

यस्तै, मकवानपुरमा १७, ललितपुरमा ५८ र दोलखामा ५२ वर्षिया महिलाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ४ सय २७ पुगेको छ ।

बताइएअनुसार सोमबार (५ अससोज) १ हजार १ सय ५४ जनामा संक्रमण देखिएको छ भने ९ हजार ५ सय ३३ पीसीआर परीक्षण भएकोमा ४ सय १८ महिला र ७ सय ३६ जना पुरुषमा संक्रमण देखिएको छ । काठमाडौंमा ५ सय ३८, भक्तपुरमा ७४ र ललितपुरमा ६२ जनामा संक्रमण देखिएको हो ।