नेपालमा सोमबार (३ कात्तिक) ३,७९० जना कोरोना संक्रमित थपिएका छन् । नेपालभर अब कोरोना संक्रमितको संख्या १,३६०३६ पुगेको छ ।

स्वास्थ्य तथा जनसंख्या मन्त्रालयका अनुसार सोमबार २,३३५ जना कोरोना संक्रमित डिस्चार्ज भएका छन् भने हालसम्म डिस्चार्ज हुनेको संख्या ९४,५०१ पुगेको छ ।

पछिल्लो २४ घण्टामा काठमाडौं उपत्यकामा थप २,३८८ जनामा कोरोना भाइरसको संक्रमण पुष्टि भएको छ । काठमाडौंमा २००८, भक्तपुरमा ९९ र ललितपुरमा २८१ जना कोरोना संक्रमित थपिएका हुन् ।

यस्तै, पछिल्लो २४ घण्टामा थप १८ जनाको कोरोनाबाट मृत्यु भएको छ। यससँगै नेपालमा कोरोनाबाट ज्यान गुमाउनेको संख्या ७५७ पुगेको छ।