विशेष प्रतिनिधि, टोकियो (जापान)

जापानमा पछिल्लो केही समयदेखि निरन्तर कोरोना भाइरसका संक्रमित बढिरहँदा आज अहिलेसम्मकै धेरै संख्यामा मृत्यु भएको छ ।

जापानमा मंगलबार साँझ ७ बजेसम्म २०११ जनामा कोरोना भाइरसको संक्रमण भेटिएको छ भने देशभर संक्रमणका कारण थप ३३ जनाको ज्यान गएको छ ।

होक्काइदोमा १४, टोकियोमा ५, ह्योगोमा ३, साइतामामा ३, चिबामा २, इबाराकिमा २, सागामा १, इवातेमा १ , फुकुशिमामा १ र खानागावामा १ गरि देशभर ३३ संक्रमितले ज्यान गुमाएका हुन् ।

यो संख्या अहिलेसम्म रेकर्ड भएको सबैभन्दा बढी दैनिकी मृत्यु संख्या हो ।

योसँगै जापानमा कोरोना भाइरसका संक्रमितको संख्या १ लाख ५१ हजार ७२४ जना पुगेको छ । त्यस्तै जापानमा अहिलेसम्म दुई हजार १९८ संक्रमितको निधन भएको छ ।