कर्णाली प्रदेश सरकारका मुख्यमन्त्री महेन्द्रबहादुर शाहीले तीन मन्त्री नियुक्त गरेका छन् । वैशाख ३ गते विश्वासको मत हासिल गरेपश्चात् मुख्यमन्त्री शाहीले मन्त्रिपरिषद् हेरफेर गरेका हुन् ।

जसअनुसार उनले नेकपा माधव नेपाल समूहका नन्दसिंह बुढालाई भूमि व्यवस्था, कृषितथा सहकारी, अमरबहादुर थापालाई भौतिक पूर्वाधार विकास र कुर्मराज शाहीलाई उद्योग, पर्यटन, वन तथा वातावरण मन्त्रीमा नियुक्त गरेका छन् ।

नवनियुक्त तीनै जना मन्त्रीले पार्टी संसदीय दलको ह्वीपका बाबजुद ‘फ्लोर क्रस’ गरेर मुख्यमन्त्री शाहीको पक्षमा विश्वासको मत दिएका थिए ।

नवनियुक्त मन्त्रीले पद तथा गोपनीयताको सपथ आइतबार लिने मुख्यमन्त्रीको सचिवालयले जानकारी दिएको छ ।