साउथ एसियन ओलम्पिक काउन्सिलको हालै बसेको भर्चुअल बैठकले १४औँ दक्षिण एसियाली खेलकुद प्रतियोगिता (साग) आउँदो २०२३ मार्चमा पाकिस्तानमा आयोजना गर्ने निर्णय गरेको नेपाल ओलम्पिक कमिटीले जनाएको छ ।
यसअघि नेपालमा सम्पन्न १३औँ सागको समापन समारोहमा पाकिस्तानले १४औँ सागको आयोजकको दाबी गरेपछि सागको झण्डा पाकिस्तानलाई हस्तान्तरण गरिएको थियो ।
आयोजक राष्ट्र स्वतः काउन्सिलको अध्यक्ष हुने ब्यवस्थाअनुसार पाकिस्तान ओलम्पिक कमिटीको अध्यक्षको अध्यक्षता बैठक बसेको हो । उक्त भर्चुअल बैठकमा नेपालको तर्फबाट नेपाल ओलम्पिक कमिटीका महासचिव निलेन्द्रराज श्रेष्ठले सहभागिता जनाएका थिए ।
१४औँ सागमा २७ खेल समावेस गरिएको छ । साग पाकिस्तानका पाँचवटा मुख्य शहरमा आयोजना हुनेछ ।
प्रतिक्रिया