टोकियो ओलम्पिकमा पुरुषतर्फ दुई खेलाडीले स्वर्ण पदक जितेका छन् । ती भाग्यमानी खेलाडीहरूमा इटालीका जियानमार्को ताम्बेरी र कतारका मुताज एसा बार्सिम थिए । दुवै खेलाडीले बराबरी उचाई नाघेपछि सहमतिमा पदक बाँडिएको हो । त्यस्तै काँश्य पदक बेलारुसमा माक्सिक नेदासेकाउले प्राप्त गरे ।

बारम्बार प्रयास गर्दा पनि दुवै खेलाडीले २ः३९ मिटर नाघ्न नसकेपछि सहमतिको आधारमा स्वर्ण पदक बाँडिएको हो । यसअघि दुवै खेलाडी २ः३७ मिटरको उचाई सफलतापूर्वक नाघेका थिए । दुवै खेलाडीले स्वर्ण प्राप्त गरेपछि एकअर्कालाई अँगालो हाल्दै खुशी साँटेका थिए भने ओलम्पिकमा एथलेटिक्सतर्फ सन् १९१२ पछि पहिलो पटक पदक बाँडिएको हो ।