हिमाञ्चल प्रदेशको एउटा राजमार्गमा गएको पहिरोमा परी कम्तीमा १० जनाको मृत्यु भएको छ । पहिरोमा अरु कम्तीमा ६० जना पुरिएको आशङ्का गरिएको छ ।

कम्तीमा २५ व्यक्ति बोकेको एउटा बस पहिरोमा पुरिएको भारत-तिब्बत सीमा सुरक्षा (आइटीबीपी)ले जनाएको छ । घटनामा परी कम्तीमा १० व्यक्तिको मृत्यु हुनुको साथै अन्य १४ जना घाइतेलाई उद्धार गरिएको आइटीबीपीले प्रकाशन गरेको एक विज्ञप्तिमा उल्लेख गरिएको एएफपीले जनाएको छ ।

हिमाञ्चल प्रदेशमा पहिरोले पुरेको गाडी निकाल्नका लागि भारत-तिब्बत सीमा सुरक्षाका लागि खटिएका प्रहरी उद्धारकार्यमा परिचालित भएका छन् ।

हिमाञ्चल प्रदेशको किन्नौर जिल्ला अन्तर्गत पर्ने घटनास्थलमा अझै ढुङ्गा खसेको तिब्बतको सीमानामा एक स्थानीय प्रहरी अधिकारीले पुष्टि गरेका छन् ।

टेलिभिजन च्यानलहरुले एउटा ट्रक र कारको चित्र भग्नावशेषमा आधा गाडेको, बाटोमा चट्टान रहेको र रूखको टुक्रा देखाएका छन् ।