रौतहट-२ बाट प्रतिनिधिसभामा निर्वाचित स्वतन्त्र सांसद किरणकुमार साह नेकपा (एमाले)मा प्रवेश गरेका छन् । एमाले अध्यक्ष केपी शर्मा ओलीले सोमबार सांसद साहलाई पार्टी प्रवेश गराएका हुन् ।

सो अवसरमा उपप्रधान तथा अर्थमन्त्री विष्णुप्रसाद पौडेललगायतको सहभागिता रहेको थियो ।

रौटहट-२ बाट ३२ हजार आठ सय ४२ मत प्राप्त गरी साह निर्वाचित भएका थिए । अब प्रतिनिधिसभामा एमालेको सिट सङ्ख्या ७९ पुगेको छ ।