उच्च अदालतका सात न्यायाधीशको सरुवा

उच्च अदालतका सात न्यायाधीशको सरुवा


उच्च अदालतका सात र जिल्ला अदालतका पाँच जना न्यायाधीशको सरुवा गरिएको छ । न्याय परिषद्को आइतबार बसेको बैठकले न्यायाधीशको सरुवा गरेको हो ।

बैठकले जिल्ला न्यायाधीशको २९ पदका लागि भएको परीक्षामा एक जनाले मात्र लिखित परीक्षा उत्तिर्ण गरेकोप्रति छलफल गरेको छ ।

कानुन, न्याय तथा संसदीय मामिलामन्त्री धनराज गुरुङले भनेका छन्, ‘२९ जनाका लागि खुलाएको विज्ञापनमा जम्मा एक जना उत्तीर्ण भएको पाइयो, यसबारे पनि बैठकमा समीक्षा भएको छ ।’

गत २६ जेठमा न्याय सेवा आयोगले २९ जिल्ला न्यायाधीश माग गर्दै गरेको विज्ञापनमा दुई सय ११ जनाले लिखित परीक्षा दिएका थिए । उनीहरूमध्ये पारसमणि पोखरेल मात्रै उत्तीर्ण भएका हुन् । न्याय सेवामा उपसचिव रहेका उनको अन्तर्वार्ता सोमबार हुनेछ ।