ऋतिक रोशनकी प्रेमिका सबा आजादले हालै इन्स्टाग्राममा साडी लगाएको तस्बिर सेयर गरेकी छन् । अभिनेत्री तथा गायिका सबा आजादले आफ्नो यो तस्बिर ऋतिक रोशनले क्लिक गरेको जानकारी दिँदै सेयर गरेकी हुन् ।

तस्बिरमा सबा आजाद रातो रंगको ब्लाउज र बैजनी रंगको साडी लगाएकी देसी केटीको लुकमा पोज दिइरहेका छन् । साबाको नयाँ तस्बिर सामाजिक सञ्जालमा भाइरल भइरहेको छ ।

ऋतिक रोशन र सबाले पछिल्लो एक वर्षदेखि एकअर्कालाई डेट गरिरहेका थिए भने अहिले उनीहरुले आफ्नो सम्बन्धको पुष्टि गरेका छन् ।

ऋतिक रोशन र सबा आजाद प्रायः एकअर्कालाई माया गरेको देख्न सकिन्छ र, सामाजिक सञ्जालमा व्यापक रूपमा एकअर्कासँग तस्बिरहरू साझेदारी गरिरहेका छन्, जसलाई नेटिजन्सले निकै रुचाएका छन् ।

भारतीय पत्रपत्रिकाहरुका अनुसार बलिउड स्टार ऋतिक रोशनको कुल सम्पत्ति करिब ३ हजार करोड रुपैयाँ रहेको छ । यी अभिनेता धेरै विलासी सम्पत्ति र लक्जरी गाडीका मालिक हुन् । हालै उनी बलिउडको सबैभन्दा बढी कमाइ गर्ने दोस्रो अभिनेता बनेका छन् ।

ऋतिकको वर्कफ्रन्टलाई हेर्दा उनी चाँडै फिल्म ‘फाइटर’मा देखिनेछन् । एरियल एक्सनमा आधारित फिल्ममा ऋतिक रोशन र दीपिका पादुकोण मुख्य भूमिकामा देखिने भएका छन् । ‘फाइटर’ फिल्म जनवरी २०२४ मा रिलिज हुने तालिका छ।