साता दिन नाघिसक्दा पनि सनाखत हुन नसके पछि चितवन प्रहरीले दुई मृतकको स्केच सार्वजनिक गरेको छ । जिल्ला प्रहरी कार्यालय चितवनले भरतपुर–१२ मिलनचोकमा बोराभित्र मृत अवस्थामा फेला परेका महिला र पुरूषको स्केच तस्बिर सार्वजनिक गरेको हो ।
यही मंसिर ६ गते भरतपुर महानगरपालिका वडा-१२ मिलनचोक स्थित पूर्व पश्चिम लोकमार्गको गोन्द्राण केन्द्रीय बस टर्मिनल बसपार्क सडक खण्डको केरुङगा घोल खोलाको कल्भर्टमुनि जुटको बोराभित्र शंकास्पद रुपमा दुई शव फेला परेको थियो । अन्दाजी २४/२५ वर्ष उमेर देखिने ५ फिट ७ इन्च उचाइ भएको पुरुष र सोही स्थानमा ३०/३१ बर्षकी ५ फिट ३ इन्च उचाइ भएकी महिलाको शव सडेगलेको अवस्थामा फेला परेको थियो ।
सो शव फेला पारेपछि ७७ वटै जिल्ला प्रहरी कार्यालय लगायत सिमावर्ती भारतिय इलाकाहरुमा समेत हुलिया परिपत्र गर्दा हालसम्म मृतकहरुको सनाखत तथा पहिचान हुन नसकेपछि प्रहरीले स्केच सार्वजनिक गरेको हो ।
प्रतिक्रिया