एनसेलको शंकास्पद शेयर खरिद बिक्री प्रकरणविरुद्ध स्वतन्त्र सांसद अमरेशकुमार सिंहले सर्वोच्चमा रिट दायर गरेका छन्।
एनसेलको शेयर खरिद बिक्रीलाई मान्यता नदिन माग गर्दै विभिन्न ६ वटा निकायलाई विपक्षी बनाएर सिंहले शुक्रबार रिट दायर गरेका हुन् ।
प्रधानमन्त्री तथा मन्त्रिपरिषदको कार्यालय, सञ्चार तथा सूचना प्रविधि मन्त्रालय, नेपाल दूर सञ्चार प्राधिकरण, कम्पनी रजिष्ट्रारको कार्यालय, आन्तरिक राजश्व विभाग र एनसेललाई विपक्षी बनाएर रिट दायर गरिएको छ। रिटको प्रारम्भिक सुनुवाइका लागि आइतबार पेशी तोकिएको छ।
सात वर्षअघि १ खर्ब ४४ अर्बमा एनसेलको ८० प्रतिशत शेयर खरिद गरेको मलेसियाको आजियाटा कम्पनीले हालसालै नेपाली संस्थापक रहेको बेलायती कम्पनी स्पेक्ट्रेलाइट युकेलाई जम्मा ६ अर्ब ५० करोडमा बिक्री गरेको छ । उक्त बिक्री करछली र ६ वर्षपछि सरकारीकरण हुने क्रममा रहेको एनसेलको सम्पतीलाई रोक्नका लागि गरिएको आरोप एनसेलमाथि लगाइएको छ।
![](https://i0.wp.com/ghatanarabichar.com/wp-content/uploads/2023/12/amresh.jpg?resize=563%2C480&ssl=1)
प्रतिक्रिया