✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य
आजको पञ्चाङ्ग
श्रीशाके १९४६ नेपाल सं. ११४६ कालयुक्तनाम संवत्सर ग्रीष्म ऋतु वि.सं. २०८१ आषाढ २ गते तद्अनुसार सन् २०२४ जुन १६ तारिख आइतबार ज्येष्ठ शुक्ल पक्षको दशमी तिथि हस्ता नक्षत्र वरियान योग तैतिल करण आनन्दादिमा मानस योग चन्द्रमा कन्या राशिमा भ्रमणशील रहनेछ । काठमाडौंमा सूर्योदय बिहान ५ः१० मा भयो र सूर्यास्त साँझ १७ः०० मा हुनेछ । गंगा दशहरा, हृषिकेशोत्सव, बज्रगुरु पद्मसम्भव जयन्ती ।
आजको राशिफल
मेष – रोग र शत्रुसित लड्ने सामर्थ्य बढ्नेछ । रोकिएका काम सम्पादन हुने र नयाँ काम प्राप्त हुनसक्ने समय छ । मान–सम्मान र प्रतिष्ठा बढ्ला । बोली र व्यक्तित्वको प्रभाव रहनेछ । मित्रजनबाट सहयोगका साथै सुख मिल्नेछ । नोकरीमा प्रशंसनीय कार्य गरिएला । नसोचेको ठाउँबाट धन आर्जन हुने योग छ । साथीभाइले राम्रो साथ दिनेछन् भने मातापिताको आशीर्वाद प्राप्त होला ।
वृष – आजको दिन धेरैजसो समय सानातिना घरेलु काममै अल्झनुपर्ला । चिताएको काममा बाधा हुँदा मन खिन्न रहला । कहीँ कसैसँग झैझगडा वा विवादको सम्भावना छ, अत्यन्त संयमताका साथ व्यवहार गर्नुहोला । कामको बोझले थाकेको महसुस होला । पारिवारिक समस्या आउन सक्छ । सवारीसाधनको प्रयोगमा विशेष सावधानी अपनाउनु हितकर हुनेछ । आफन्तको साथले केही उत्साह जागृत होला ।
मिथुन – आजको दिन मिश्रित फलदायी रहला । व्यस्तता वृद्धि हुनेछ । धार्मिकस्थल, देवालय आदिको भ्रमण हुन सक्छ । ढंग नपुग्नाले आफैले गरेको कार्य पुनः दोहो¥याउनुपर्ने अवस्था आउनसक्छ । सन्तानपक्षबाट सुखसन्तोष प्राप्त होला । सुखद यात्राको सम्भावना छ । हिस्सेदारसँग असमझदारी बढ्नाले सम्झौता भंग हुन सक्ने योग छ । अनावश्यक मित्रता गाँस्न खोज्नेहरूसँग सावधान रहनु उचित हुनेछ । बौद्धिकता र रचनात्मकता बढ्नेछ ।
कर्कट – लेनदेनको विवादले अप्ठ्यारो पर्नसक्ने समय छ । साथीभाइको सहयोग जुटाउन प्रयत्न गर्नुहोला । नयाँ ठाउँमा धन लगानी गर्ने वातावरण बन्ने देखिन्छ । स्वास्थ्यमा समस्या हुनसक्छ, सचेत रहनुहोला । दिन सामान्य नै रहेपनि अचानक नसोचेका समस्या देखिन सक्ने योग छ । सभा–सम्मेलनमा सहभागी हुने अवसर जुर्ला । रसरागको भाव बढ्नेछ ।
सिंह – रोकिएका काम बन्ने र नयाँ काम सुरु गर्ने समय छ । सहयोगीहरूले राम्रो साथ दिनेछन् । उद्योग र व्यापारमा विशेष फाइदा होला । नयाँ काममा हात हाल्न सकिनेछ । सुखद समाचार सुन्न पाइएला । समाजसेवाका कामबाट विविध लाभ हुनेछ भने विभिन्न उपहार प्राप्त हुने योग छ । पारिवारिक सुखशांति रहला ।
कन्या – नियमित कार्यमा खासै जाँगर चल्ने देखिँदैन । प्रतिफल प्राप्त नहुने क्षेत्रमा लगानी हुनसक्छ । स्वास्थ्य अनुकुल नरहनाले नियमित कार्य तथा पढाइलेखाइमा पनि असर पर्न सक्छ । आजको दिन सवारीसाधनको प्रयोगमा विशेष सतर्कता अपनाउनु उचित हुनेछ । धनमाल हराउनसक्ने योग रहेकोले सावधानी अपनाउनुहोला । नयाँ काममा हात हाल्न केही समय पर्खंनु उचित हुनेछ । आफन्तको साथ प्राप्त हुनेछ ।
तुला – भौतिकभन्दा बौद्धिक क्षेत्रमा सफलता मिल्ने समय छ । केही खर्च भए पनि दानपुण्य र भेटघाटमा खर्च हुनाले मन सन्तुष्ट रहला । सन्तान पक्षबाट सन्तोष प्राप्त हुनेछ । आकस्मिकरूपले धनलाभ हुने र अन्नप्राप्तिको योग छ । लगानी तथा खर्च वृद्धि हुने देखिन्छ । रसरागको भाव वृद्धि होला ।
वृश्चिक – अप्ठ्यारा चुनौतीहरूलाई पन्छाउन सकिने समय छ । आर्थिक पक्ष सबल रहला । उद्योग, कलकारखानामा लगानी गर्दा फाइदा हुने देखिन्छ । तर, नचिताएको काममा खर्च हुने योग रहेकोले सावधान रहनुहोला । गरेका कामबाट राम्रै लाभ हुनेछ । श्रमको उचित मूल्याङ्कन होला । आय वृद्धि हुनेछ ।
धनु – सामाजिक क्षेत्र र नोकरीबाट मानसम्मान मिल्नेछ । आज पढाइलेखाइमा पनि राम्रो होला । सोचेका काम सजिलैसंग पुरा गर्न सकिने समय छ । यात्रागत कार्यमा सफलता मिल्नेछ । जग्गाजमिनको कारोबार गर्दा लाभ हुने देखिन्छ । दैनिक कार्यमा केही ढिलासुस्ती तथा केही व्यवधान ब्यहोर्नुपर्ला । बौद्धिक र रचनात्मक कार्य बन्नेछ ।
मकर – लेखन, प्रकाशन र ज्ञानगुनका क्षेत्रमा सक्रियता बढ्ने दिन छ । पारिवारिक जीवन सामान्य र सन्तोषप्रद रहला । रोकिएका काममा पुनः प्रयत्न गर्नु उचित हुनेछ । तथापि, सानातिना समस्याले केही अल्झाउन सक्छ । मेहनत गरेअनुसारको फल नपाइने योग छ । धर्मकर्म तथा सामाजिक कार्यमा आकर्षण बढ्नेछ । प्रतिकुलताका बाबजुद दायित्वलाई पूरा गर्नुहुनेछ ।
कुम्भ – मित्रजनसँग अचानक भेटघाट हुने र आकस्मिक लाभ मिल्ने समय छ । कुनै लाभदायक समाचार सुन्न पाइएला । खर्च भने बढ्ने देखिन्छ । सापटी दिएको पैसा पनि फिर्ता नहुने योग छ । स्वास्थ्यमा समस्या आउन सक्छ, विशेष सतर्कताको दरकार छ । दौडधुप बढ्नेछ तर रचनात्मक कार्य बन्नेछ ।
मीन – लामो समयदेखि रोकिएका काम बन्दै जानेछन् । धनलाभको समय छ । मेहनतले पुरस्कार तथा विभिन्न उपहार दिलाउन सक्छ । साथीभाइका साथ रमाइलो यात्रा गर्ने अवसर प्राप्त होला । अतिथिका रूपमा सम्मानसमेत प्राप्त हुने योग छ । सामाजिक कामबाट प्रशंसा प्राप्त हुनेछ । प्रेमभाव बढ्नेछ, रसरागमा आकर्षण रहला ।
प्रतिक्रिया