पेरिसको एक होटलमा नगदले भरिएको सेफ चोर्ने प्रयासमा रातको पहरेदार गरिरहेका एक सुरक्षागार्डको हत्या गरिएको छ ।

स्थानीय समयअनुसार शुक्रबार राति ११ः३० बजे सेफ बेवारिसे अवस्थामा फेला परेपछि शहरको एक चोकबाट प्रहरीलाई जानकारी आएको र प्रहरीले घटनास्थल वरपर तलासी गर्दा होटेलमा उक व्यक्तिको शब वेबारिसे अवस्थामा भेटिएको प्रहरी स्रोतलाई उद्धृत गर्दै एएफपीले जनाएको छ ।

बताइएअनुसार सडकनजिकैको एक होटलभित्र रात्रिकालिन सुरक्षाका लागि खटिएका एक गार्डको हत्या गरेको भेटिएको थियो । गार्डको शव ‘ओछ्यानमा सुतेको, बाँधिएको र धेरै चोटपटक लागेको’ अवस्थामा फेला पारिएको थियो ।

बालाक्लाभा लगाएका चार जना व्यक्तिले राति ९ः३० बजे तिर भ्यानमा सेफ लोड गर्न खोजेका सिसिटिभी क्यामरामा खिचिएको भिडियोमा देख्न सकिन्छ । स्थानीय प्रहरीले जनाए अनुसार उक्त सेफमा होटलको महिनाभरको आम्दानी थियो । करिब १० दिनअघि ‘डेलिभरी म्यान’ भएको दाबी गर्ने केही व्यक्तिले सेफ चोर्न खोजेका थिए ।

दक्षिणपूर्वी पेरिसको व्यस्त ‘प्लेस डे ला नेशन राउन्डअबाउट’मा ती व्यक्तिले प्रयोग गरेको भ्यानको मोटर गुडिरहेको अवस्थामा फेला परेको छ ।

अर्का एक प्रत्यक्षदर्शीले चार जना मानिस भ्यानबाट हामफालेर मेट्रोमा चढेको देखेको बताएका छन् ।

ती व्यक्ति’को मृत्युको अवस्था र घटनाक्रमबारे अनुसन्धान भइरहेको प्रहरीले जनाएको छ ।