स्विजरल्याण्डको लक्जरी ब्राण्ड ‘बाली’मा ४० प्रतिशतसम्म छुटको घोषणा गरिएको छ । सन् १८५१ मा स्विजरल्याण्डमा जन्मिएको लक्जरी ब्राण्ड बालीको काठमाडौं दबारमार्गस्थित सोरुम ‘वाच ग्यालरी’मा यस्तो छुटको घोषणा गरिएको हो ।

लक्जरी सुज, ब्याग, बेल्ट, वालेट लगायतका उत्पादनहरुमा विश्वप्रख्यात ब्राण्ड बालीलाई नेपाली बजारमा वाच ग्यालरीले बिक्री वितरण गर्दै आएको छ ।

सर एडमण्ड हिलारी सँगै तेन्जिङ नोर्गेले पहिलो पटक समगरमाथाको आरोहण गर्दा लगाएका रेनडियर बुटहरु हुन् वा स्विस ओलम्पिक टोलीले लगाउने प्राविधिक रुपमा सम्मुन्न कर्लिङ सुजहरु हुन्- बालीले गुणात्मक उत्पादनलाई प्राथमिकता दिंदै आएको छ । १७२ वर्ष भन्दा लामो आफ्नो लेगेसीलाई कायम राख्दै आजको अत्याधुनिक प्रविधि र आधुनिकतासँग हातेमालो गर्न सिपालु बाली विश्वभरका सेलिब्रेटी, ब्यावसायी तथा संभ्रान्तहरुको पहिलो रोजाई बन्दै आएको छ ।

होटल उडल्याण्ड सँगै दरबारमार्गमा रहेको वाच ग्यालरीले नेपाली बजारमा लामो समयदेखि बालीको आयात तथा विक्री वितरण गर्दै आएको छ । हालै बालीको नयाँ कलेक्सन भित्र्याएको वाच ग्यालरीले कम्पनी सँगको सहकार्यमा नेपाली उपभोक्ताका लागि विशेष छुटको मौका ल्याएको जनाएको छ ।

‘नेपालको खस्किएको आर्थिक अवस्थाका कारण धेरै सम्भावित उपभोक्तालाई हामीले सेवा प्रदान गर्ने मौका प्राप्त गरेका थिएनौं, त्यसैले बालीको गुणस्तरीयताको अनुभव नेपाली उपभोक्ताले गर्न सकुन् भन्ने उद्देश्यले हामीले कम्पनीसँगको सहकार्यमा यस्तो छुटको अवसर ल्याएका हौें’- वाच ग्यालरीका प्रबन्ध निर्देशक पंकज झुनझुनवाला भन्छन् । सामान्यतया लक्जरी ब्राण्डहरुले यस्तो सेल वा छुट नदिएपनि नेपाली उपभोक्तालाई थप अफोर्डेबल बनाउन यस्तो प्रयास गरिएको उनको भनाइ छ ।