सिङ्गापुरले सन् २०२५ मा नयाँ डिजेल कार दर्ता बन्द गर्ने

सिङ्गापुरले सन् २०२५ मा नयाँ डिजेल कार दर्ता बन्द गर्ने


सिङ्गापुरले सन् २०२५ देखि नयाँ डिजेल कार र ट्याक्सी दर्ता गर्न बन्द गर्ने भएको छ । आफ्नो स्वच्छ ऊर्जा दृष्टिलाई समर्थन गर्ने उद्देश्यले यस्तो निर्णय गरिएको त्यहाँको भूमि यातायात प्राधिकरण (एलटिए)ले जनाएको छ ।

डिजेल कार मालिकहरूले आफ्नो हकदार प्रमाणपत्र नवीकरण गर्न सक्ने तर नवीकरणलाई निरुत्साहित गर्न उच्च सडक कर लगाइने नीति सिङ्गापुर सरकारले अख्तियार गरेको छ ।

सिङ्गापुरले जलवायु परिवर्तनसँग जुध्न सन् २०५० सम्ममा ‘नेट जिरो’सम्म पुग्ने प्रतिबद्धता जनाएको छ ।