चर्चित मोडल एवम् निर्देशक हेरुका लामाद्वारा निर्देशित ‘कस्तो हो यो माया’ बोलको गीत बजारमा आएको छ । क्यानाडामा रहेर पनि उनले आफ्नो करिअरलाई अगाडि बढाउने क्रममा म्युजिक भिडियो बजारमा ल्याएका हुन् ।

‘लामो समयपछि कर्मभुमिबाट म्युजिक भिडियो बजारमा ल्याएका छौँ, विश्वास छ सम्पूर्ण दर्शकले मन पराउनुहुनेछ’, निर्देशक लामाले भनेका छन् ।

उक्त म्युजिक भिडियो क्यानाडाको विभिन्न रमणिय स्थानहरुमा छायांकन गरिएको छ । म्युजिक भिडियोलाई उनै निर्देशक लामाले पहिलोपटक छायांकन गरेका हुन् ।

गायक निशान भट्टराईको आवाज, लेखु सहयात्रीको संगीत, इश्वर थापाको शब्द, पुरुषोतम सुवेदीको संगीत संयोजन रहेको छ । साजन शाहले मिक्सिङ, नरेश विविशीले रेकर्डिङ गरेको गीतलाई ए प्लस स्टुडियोमा रेकर्ड गरेको हो ।

म्युजिक भिडियोमा इश्वर थापा र परीथा खड्काको अभिनय रहेको छ । गीतको म्युजिक भिडियोलाई उनै निर्देशक हेरुका लामाले ड्रोन, छायांकन र कोरियोग्राफी गरेका हुन् । भिडियोको सम्पादन र कलरिङ राजेश कुमारले गरेका हुन् ।