टी-२० सिरिज : यस्तो छ नेपाल र अमेरिकाबीचको खेल तालिका

टी-२० सिरिज : यस्तो छ नेपाल र अमेरिकाबीचको खेल तालिका


टी-२० सिरिजअन्तर्गत अमेरिकाविरुद्ध नेपालले खेल्ने तीन खेलको खेल तालिका सार्वजनिक गरिएको छ । नेपालले पहिलो खेल आगामी शुक्रबार, दोस्रो खेल आइतबार र तेस्रो खेल सोमबार खेल्ने भएको नेपाल क्रिकेट संघ (क्यान)ले जानकारी दिएको छ ।

सबै खेल नेपाली समय अनुसार बिहान ५ः४५ बजेदेखि शुरु हुनेछन् भने खेल अमेरिकाको टेक्सासस्थित ग्राण्ड प्रेरी स्टेडियममा हुनेछ ।

यसैक्रममा अमेरिकाले पनि नेपालविरुद्ध खेल्ने १५ सदस्यीय टिमको घोषणा गरेको छ । अमेरिकी टिममा मोनांक पटेल (कप्तान), एन्ड्रिज गौस, अभिषेक पराडकर, एरोन जोन्स, हरमित सिंह, जुआनोय ड्रिसडेल, मुहम्मद अली खान, मिलिन्द कुमार, नोस्थुषा केन्जिगे, जसदीप सिंह, सौरभ नेत्रावलकर, साइतेजा मुक्कामल्ला, शायन जहांगीर, उत्कर्ष श्रीवास्तवा र यासिर मोहम्मद रहेका छन् ।

अमेरिका पुगेर नेपाली टिमले अभ्यास शुरुगरिसकेको छ ।