मानव तस्करीमा संलग्न रहेको आशङ्का

चिनियाँ नागरिकसँग नेपाली किशोरीको विवाह गराएको अभियोगमा जिल्ला प्रहरी कार्यालय सुनसरीले आठ जनालाई पक्राउ गरेको छ ।

प्रहरीले जनाएअनुसार धनकुटाको छथर जोरपाटी-२ की १६ वर्षीया एक किशोरी, ३३ वर्षीय चिनियाँ नागरिक लि टेङ, उदयपुर बेलका नगरपालिका–९ का ४३ वर्षीय दीपक दर्जी, ४२ वर्षीय बद्रीविक्रम राई, स्याङ्जा पुतलीबजार नगरपालिका-१२ का २० वर्षीय शीतल गुरुङ, काभ्रेपलाञ्चोकको रोशी गाउँपालिका-३ की २० वर्षीया रोशनीमाया तामाङ, चिनियाँ नागरिक ३५ वर्षीय डोङ शिहाओ र वु हेजीलाई पक्राउ गरिएको हो ।

अभियुक्तहरूलाई सार्वजनिक गर्दै प्रहरी नायब उपरीक्षक रामचन्द्र तिमिल्सिनाले उनीहरू मानव तस्करीमा संलग्न रहेको आशङ्कामा अनुसन्धान थालिएको जानकारी दिएका छन् ।