✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४७ नेपाल सं. ११४५ सिद्धार्थीनाम संवत्सर वर्षा ऋतु वि.सं. २०८२ श्रावण ५ गते तद्अनुसार सन् २०२५ जुलाई २१ तारिख सोमबार श्रावण कृष्णपक्षको एकादशी ८ः११ पर द्वादशी तिथि रोहिणी नक्षत्र वृद्धि योग कौलव करण आनन्दादिमा प्रवर्द्ध योग चन्द्रमा वृष राशिमा भ्रमणशील रहनेछ । काठमाडौंमा सूर्योदय बिहान ५ः२२ मा भयो र सूर्यास्त साँझ १८ः५७ मा हुनेछ । कामिका-एकादशीव्रत ।

आजको राशिफल

मेष – नियमित कार्यमा जाँगर वृद्धि हुने समय छ । मित्र एवम् आफन्तजनको साथ-सहयोगले ऋण, रोग र शत्रुलाई जित्ने सामर्थ्य बढ्नेछ । प्रेम र मित्रताको बन्धन कसिनुका साथै रमाइलो भेटघाटको सम्भावना छ । विभिन्न सहयोग र उपहार प्राप्त हुन सक्छन् । अध्ययन-अध्यापन कार्यमा पनि प्रगति हुनेछ । विशेष सभा-समारोहमा सहभागी बन्ने मौका जुर्ला । कृषि क्षेत्रबाट राम्रो लाभ मिल्ने योग छ ।

वृष – रोकिएका काम बन्ने र नयाँ काम पनि प्रारम्भ गर्न सकिने समय छ । केही खर्च लागे पनि सोचेको काम बन्ला । प्रतिस्पर्धीहरूले हार खानेछन् भने सहयोगीहरूले राम्रो साथ दिनेछन् । व्यवसायमा थप लगानी बढाउन सकिनेछ । यश-वर्चश्व वृद्धिका साथै अधिकार र प्रतिष्ठा जोगाउन सफल भइएला । महत्वपूर्ण कार्ययोजनामा हुनुहुन्छ भने प्रयत्न गर्दा लक्ष्यमा पुग्न सकिने योग छ । प्रेमभाव वृद्धिका साथै परिवारिक सुख र उत्साह बढ्नेछ ।

मिथुन – केही चुनौती बढ्ने र अरूका लागि बुद्धि तथा श्रम खर्चनुपर्ने समय छ । आश्वासन दिएर तपाईंलाई प्रयोग गर्ने प्रयत्न हुनसक्छ, सचेत रहनुहोला । आम्दानी बिगार्नेहरू सक्रिय रहन सक्छन् । सरसापटमा धन खर्च हुनसक्छ । आजको दिन आर्थिक कारोबार नगर्नु उचित हुनेछ । स्वास्थ्य केही कमजोर रहन सक्छ । प्रतिकुलताका बाबजुद मनोरञ्जनात्मक क्रियाकलापमा आकर्षण बढ्नेछ ।

कर्कट – ठूलै प्रयत्न गर्दा सामान्यमात्र फाइदा हुने समय भएपनि बुद्धिको उपयोगले लक्ष्य पहिल्याउन सकिनेछ । शत्रुमाथि विजय प्राप्त हुनेछ । रचनात्मक कार्यले नसोचेको फाइदा दिलाउने देखिन्छ । मेहनतले प्रतिस्पर्धाको दौड जिताउन सक्छ । भौतिक साधन जुट्नेछन् जसले दिगो फाइदा हुने काम सुरु हुन सक्छ । अवसर आए पनि चाहेजस्तो लाभ उठाउन नसकिने योग छ, ध्यान राख्नुहोला ।

सिंह – सानो प्रयत्नले ठूलो काम सम्पादन हुने दिन छ । जटिल काम पनि सजिलै बन्नाले उत्साह जागृत होला । समयलाई पछ्याउने भरपुर प्रयत्न गर्नुहोला, अन्यथा पछि पछुतो अनुभूति हुन सक्छ । भौतिक साधनको प्रयोग गर्नुहुन्छ भने पूरै भर पर्न नसकिने समय छ । सवारी साधन र हातहतियारको प्रयोगमा आजको दिन विशेष सजगता अपनाउनुहोला । व्यापारमा विशेष फाइदा उठाउन सकिने योग छ ।

कन्या – दीगो फाइदा हुने काममा लगानी बढाउन सकिनेछ, तर अप्ठ्यारा परिस्थितिसँग सम्झौता गर्नुपर्दा मन खिन्न रहला । स्वास्थ्य केही कमजोर रहने देखिन्छ । पति-पत्नीबीच घरसल्लाह नमिल्न सक्छ । काम बिग्रने डरले सताए पनि प्रयत्न जारी राख्नु हितकर होला । यात्रागत कार्यमा आंशिक सफलता मिल्नेछ ।

तुला – विशेष उपहार एवम् धनलाभ हुने समय छ । तथापि, आश्वासन दिएर झुक्याउनेहरूले सताउन सक्छन्, सजग रहनुहोला । फुर्सदको अनुभूति हुनुका साथै रमाइलो यात्राको अवसर मिल्न सक्छ । लाभका लागि परिस्थितिसँग केही सम्झौता गर्नु बुद्धिमानी ठहरिनेछ । विभिन्न सहयोग र उपहार प्राप्त हुनसक्छ । कतै अतिथिका रूपमा सम्मान प्राप्त हुने योग छ । आयबल वृद्धिका साथै यशवर्चश्व बढ्नेछ । रसरागको भाव वृद्धि होला ।

वृश्चिक – आजको दिन कर्मबल र सामर्थ्य वृद्धि हुनेछ भने प्रतिष्पर्धीहरू परास्त हुनेछन् । टाढिएका साथीभाइ नजिकिनाले हर्ष बढ्नेछ । मिठो भोजनको अवसर जुर्ला । बोली, व्यक्तित्व र तपाईंका कामको प्रशंसा हुनेछ । सोखले खर्च बढाउने योग छ । आजको दिन सवारीसाधनको प्रयोगमा विशेष सावधानी अपनाउनु हितकर होला ।

धनु – प्रतिस्पर्धीलाई उछिन्दै आम्दानी बढाउने अवसर प्राप्त भएपनि सहयोगीहरूको भरपर्दा काममा बाधा पुग्न सक्छ, सजग रहनुहोला । आश्वासन दिनेले झुक्याउन सक्ने समय छ । अरूको विश्वासमा पर्दा अन्त्यमा धोका मिल्नसक्नेमा सजग रहनुहोला । मित्रजनको साथ मिल्नेछ ।

मकर – बिछोडिएका परिवारजनसँग भेटघाट हुने समय छ । कमी-कमजोरीलाई सुधार गर्ने अवसर जुर्ला । आजको दिन साथीभाइसँग सन्तुलित व्यवहार गर्ने प्रयास गर्नुहोला । हठ गर्ने बानीले दुःख पाइनेछ । जागिरमा पनि सावधान रहनु हितकर हुनेछ । साँझपख उमङ्ग-उत्साह जागृत होला । यात्रागत कार्यमा सफलता प्राप्त हुनेछ । विपरीतलिंगी मित्रको साथ-सहयोगले काम बन्ने योग छ ।

कुम्भ – दैनन्दिन कार्यगति बढ्नेछ । रचनात्मक काम सुरु गर्ने समय छ । रमाइलो जमघटका बीच स्वादिष्ट भोजनको आनन्द पाइएला । पारिवारिक आत्मीयता बढ्नेछ भने विभिन्न अवसर प्राप्त हुनेछन् । साँझतिर महत्वाकांक्षी योजना फलीभूत हुन सक्छन् । दाम्पत्यसुख बढ्नेछ । सबल स्वास्थ्यका लागि सजगता अपनाउनुपर्ने देखिन्छ ।

मीन – परिस्थिति अलिक प्रतिकूल रहेको अनुभूति हुनसक्छ तर विगतको श्रमबाट राम्रै धनलाभ हुने देखिन्छ । सहयोगीहरूले काममा साथ दिनेछन् । रोकिएका काम सम्पादन हुने तथा बिग्रिएको सम्बन्ध र विगतका कमजोरीलाई सुधार गर्ने अवसर जुर्ला । बिछोडिएका आफन्तसँग भेटघाट हुने योग छ । यात्रागत कार्यमा सफलता प्राप्त होला ।