✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४७ नेपाल सं. ११४५ सिद्धार्थीनाम संवत्सर वर्षा ऋतु वि.सं. २०८२ साउन ९ गते तद्अनुसार सन् २०२५ जुलाई २५ तारखि शुक्रबार श्रावण शुक्ल पक्षको प्रतिपदा तिथि पुष्य नक्षत्र बज्र योग किंस्तुघ्न करण आनन्दादिमा उत्पात योग चन्द्रमा कर्कट राशिमा राशिमा भ्रमणशील रहनेछ । काठमाडौंमा सूर्योदय बिहान ५ः२४ मा भयो र सूर्यास्त साँझ १८ः५५ बजे हुनेछ । गुँलाधर्मारम्भ ।

आजको राशिफल

मेष – ठूलाबडाको आशीर्वादले रोकिएको काम बन्ने समय छ । सहयोगीहरूले साथ दिनेछन् र काममा सोचेजस्तै सफलता मिल्ने देखिन्छ । यात्रापरक काम बन्नाले उत्साह वृद्धि हुनेछ । आकस्मिक किसिमले आर्थिक लाभ होला । कृषिजन्य कर्ममा भने केही चुनौतीको सामना गर्नुपर्ने योग छ । आजको दिन इर्ष्यालुजनसँग दूरी बनाउनु उचित हुनेछ । चुनौती चिर्दै काम सम्पादन गर्न सकिनेछ । विपरीतलिंगीको साथ-सहयोग रहनेछ ।

वृष – आरोग्यबलका साथै पराक्रम बढ्ने र नियमित कार्यमा सहजताको अनुभूति हुने समय छ । पारिवारिक समस्याको समाधान मिल्ला । परोपकार र धार्मिक क्षेत्रको लगानी यशवद्र्धक एवम् फलदायी रहला । सवारी साधनको प्रयोगमा आजको दिन विशेष सजगता अपनाउनु हितकर हुनेछ । मातापिता, मान्यजन वा विशिष्ट व्यक्तिसँग विवादको सम्भावना छ, सजग रहनुहोला । बौद्धिक क्षेत्रको काममा यात्राको सम्भावना छ ।

मिथुन – अप्ठ्यारो परिस्थितिमा पनि महत्वपूर्ण काम बन्नसक्ने समय छ । सानातिना काम र घरेलु व्यवहारमै आजको समय व्यतीत भएपनि राम्रै लाभ प्राप्त हुने देखिन्छ । हाँसखेल र मनोरञ्जनको अवस्था रहला । पारिवारिक सुख मिल्नुका साथै अध्ययन-अध्यापनको क्षेत्रमा प्रगतिको खबर सुन्न पाइएला । आरोग्यबल बढ्नेछ । रसरागमा आकर्षण बढ्नेछ ।

कर्कट – परिश्रमको राम्रै प्रतिफल प्राप्त हुने समय छ । आफूभन्दा वरिष्ठ व्यक्तित्वको साथमा सुमधुर सम्बन्ध रहनेछ, जसबाट दीर्घकालिक लाभ मिल्नेछ । बन्दव्यापारबाट फाइदा हुनेछ । गहना, कपडा वा धातुको कुनै वस्तु खरिद गर्दा राम्ररी मोलतोल गर्नु उचित होला । आरोग्यबल बढ्नेछ । विपरीतलिंगीको सहयोगले महत्वपूर्ण काम बन्ने योग छ । रसरागमा आकर्षण बढ्नेछ ।

सिंह – व्यवसायसँग सम्बद्ध कार्यमा कुनै ठोस परिणाम देखापर्ने समय छ । चुनौती र अपठ्यारा हटाउन गरिएको प्रयास सफल रहला । विशिष्ट व्यक्तिको विचारले प्रभावित तुल्याउन सक्छ । रमाइलो यात्राको सम्भावना छ र त्यसबाट दीर्घकालिक फाइदा पुग्ने देखिन्छ । विशेष योजना गोप्य राखेर अघि बढ्नु हितकर होला । पराक्रम वृद्धि हुनुका साथै रसरागका कार्यक्रममा आकर्षण रहनेछ ।

कन्या – नयाँ काम र जिम्मेवारी हातपर्ने समय छ । परिवारमा पाहुनाको चाप बढ्न सक्छ र तिनको आवागमनमा महत्वपूर्ण समयको गुज्रने सम्भावना छ । समयको गतिलाई पछ्याउन प्रयत्न गरे आर्थिक दृष्टिले लाभकारी होला । बुद्धिको सही उपयोगले लक्ष्य पहिल्याउन सकिनेछ । पढाइलेखाइमा राम्रै प्रगति हुनेछ । आफन्तजन सहयोगी रहलान् । स्वास्थ्यमा भने सामान्य समस्या देखापर्न सक्छ, सजग रहनुहोला ।

तुला – कर्मबल वृद्धि हुने र सामाजिक उत्तरदायित्व बहन गर्ने समय छ । अधिकारप्राप्तिका लागि गरिएको प्रतिस्पर्धामा विजयी भइएला । कतै लामो दूरीको लाभदायी यात्रा गर्नुछ भने उचित बेला छ । शत्रुहरूको चलखेल बढे पनि समर्थ्य वृद्धिका कारण तिनले हानी गर्न सक्ने छैनन् । प्रेमभाव वृद्धि हुनेछ । बौद्धिकता र रचनात्मकता बढ्नेछ ।

वृश्चिक – पारिवारिक वातावरण तपाईंको अनुकूल नरहे पनि पराक्रम र उत्साह बढ्ने दिन छ । प्रतिस्पर्धी परास्त हुनुका साथै आम्दानी बढ्ला । उद्योग तथा व्यापारमा विशेष फाइदाको योग छ । स्वास्थ्य सबल रहनेछ । सुख-सुविधाको वस्तु बढ्नेछन् । मिठो भोजन प्राप्तिका साथै सुख विलासको अवस्था रहने देखिन्छ । यात्रा सुखदायी रहनेछ ।

धनु – आजको दिन चुनौतीका बाबजुद नसोचेको काम बन्न सक्छ, धैर्यपूर्वक काम लिने प्रयत्न गर्नुहोला । पढाइलेखाइमा प्रगति हुनेछ । बौद्धिक प्रतिस्पर्धामा विजयी भइएला । जीवनसाथी, सन्तति वा विपरीतलिङ्गी साथीसँग सम्बन्ध आत्मीय बन्ने देखिन्छ । मनोरञ्जनात्मक क्रियाकलापमा आकर्षण रहला । साझेदारीको काम बन्नेछ । शत्रुसित लड्ने सामर्थ्य वृद्धि हुनेछ । कृषि क्षेत्रबाट राम्रै लाभ मिल्ने योग छ ।

मकर – आजको दिन बोलीको विपरीत अर्थ लाग्न सक्ने तथा भावनामा केन्दित भइने समय रहेकोले बोली र व्यवहारलाई नियन्त्रणमा राख्नु उचित होला । खेलकूद, भ्रमण जस्ता क्रियाकलापमा आकर्षण रहनेछ । नचिताएको स्थानबाट धनागमन हुनसक्ने देखिन्छ । परिणाममुखी काममा लगानी गर्न सकिनेछ । शरीर फूर्तिलो भएको महसुस होला । शत्रुलाई जित्ने सामर्थ्य बढ्नेछ ।

कुम्भ – न्यायिक, कानुनी वा प्रतियोगितात्मक क्रियाकलापमा विजय प्राप्त हुने समय छ । आर्थिक पक्ष सुदृढ रहला । मनमा दोधारको अवस्था सिर्जना हुनसक्छ, ध्यान राख्नुहोला । यात्रागत कार्य सोचेजस्तो रमाइलो नहुन सक्छ । सबल स्वास्थ्यका लागि खानपानमा नियन्त्रण गर्नुपर्नेछ । खर्च वृद्धि हुनसक्ने योग रहेकोले नियन्त्रणको प्रयत्न गर्नुहोला । मित्रजनको सहयाोगले महत्वपूर्ण काममा सफलता मिल्नेछ ।

मीन – आजको दिन समय लागे पनि चिताएअनुसार कार्य सम्पादन हुनेछन् । टाढाको यात्रा गर्नुपर्ने अवस्था आउनसक्छ, तर अनावश्यक यात्राबाट सकभर जोगिनु हितकर रहला । पारिवारिक सहयोग प्राप्त हुनेछ । कामधन्दा र व्यवसायको चापले गर्दा मित्रमिलन एवम् दाम्पत्य सम्बन्धमा सामान्य चिसोपन देखिन सक्छ । कर्मबल भने बढ्नेछ ।