✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४७ नेपाल सं. ११४५ सिद्धर्थीनाम संवत्सर वर्षा ऋतु वि.सं. २०८२ भाद्र ३ गते तद्अनुसार सन् २०२५ अगस्त १९ तारिख मंगलबार भाद्र कृष्ण पक्षको एकादशी तिथि आद्र्रा नक्षत्र बज्र योग कौलव करण आनन्दादिमा चर योग चन्द्रमा मिथुन राशिमा भ्रमणशील रहनेछ । काठमाडौंमा सूर्योदय बिहान ५ः३७ मा भयो र सूर्यास्त साँझ १८ः३६ मा हुनेछ । अजा-एकादशीव्रत ।

आजको राशिफल

मेष – आजको दिन प्रतिस्पर्धीहरूले अप्ठ्यारोमा पार्ने प्रयास गरे पनि बोलीको भरमा काम सम्पादन हुने समय छ । सुन्दर पहिरनमा रमाउँदै व्यक्तित्व निखार्ने अवसर प्राप्त हुनेछ । अधिकारका लागि केही संघर्ष हुन सक्छ, तर जित तपाईंकै हुनेछ । विचारको आकर्षणले प्रशंसकहरू बढ्नेछन् । अरूको हातमा गइसकेको अवसर जोगाउन सकिनेछ । गीतसंगीत तथा रसरागात्मक क्रियाकलापमा आकर्षण रहनेछ ।

वृष – मेहनत गर्दा विभिन्न अवसर प्राप्त हुनुका साथै दैनिकीमा परिवर्तन आउनसक्ने दिन छ । परिवारजनसँग आत्मीयता बढ्ने एवम् व्यवसायमा थप लगानी बढाउन सकिएला । हिम्मतले काम बनाउने प्रयास गर्नु उचित हुनेछ । केही खर्च लाग्ने तर पनि सोचेको काम बन्ने योग छ । मित्रहरूको सहयोग जुट्नाले काममा हौसला मिल्ला । प्रतिष्ठित काम गरेर धेरैको मन लोभ्याउन सकिनेछ । साहसिक काममा आकर्षण रहला ।

मिथुन – मिश्रित फलदायी समय छ । अनावश्यक दौडधुपमा समय बित्नसक्छ, सजग रहनुहोला । फाइदाका लागि योजनाहरू गोप्य राख्नु आवश्यक देखिन्छ । आर्थिक कारोबारमा सोची-सम्झी पाइला चाल्नु लाभप्रद रहनेछ । पतिपत्नीबीच घरसल्लाह नमिल्न सक्छ । अप्ठ्यारा कामको बोझ थपिने सम्भावना छ । स्वास्थ्य भने सबल रहनेछ । दिगो फाइदा हुने काममा लगानी हुनसक्ने योग छ ।

कर्कट – दैनन्दिन कार्यमा जाँगर बढ्नुका साथै पछिका लागि फाइदा हुने काम प्रारम्भ गर्न सकिने समय छ । तार्किक क्षमताले सम्मान दिलाउला । आयआर्जनका स्रोत बढ्नेछन् भने हिम्मत गर्दा विभिन्न अवसर प्राप्त हुने योग छ । प्रतिद्वन्द्वीहरूलाई परास्त गर्न सकिनेछ । प्रेम र मित्रताको गाँठो कसिएर जाला । आयबल वृद्धि हुनेछ । कार्यगति बढ्ने र समस्याको समाधान मिल्नेछ ।

सिंह – सुख र दुःखको मिश्रित भाव अनुभूति हुने समय छ । खर्च बढ्नुका साथै आर्थिक अभाव समेत देखापर्न सक्छ । फाइदाका पछि लाग्दा साथीभाइसँग असमझदारी बढ्ने योग रहेकोले सजग रही ब्यवहार गर्नुहोला । प्रतिस्पर्धीहरूबाट सजग रहनुपर्नेछ । पहिलेका कर्मको प्रतिफल पाइनेछ, साथै कामको चापबाट पनि फुर्सद पाइनेछ । अध्ययनमा पछि परिने योग भएकाले सजग रहनुहोला । प्रेमभाव वृद्धि हुनेछ । आरोग्यबल बढ्नेछ । आफन्तको साथ मिल्नेछ । रसरागको भाव जागृत होला ।

कन्या – विभिन्न अवसर प्राप्त हुनाले मन उत्साहित रहने समय छ । भौतिक साधन जुट्नेछन् भने उत्साहजनक समाचारले मन प्रशन्न होला । मित्र एवम् सन्तान पक्षको माध्यमबाट पनि काम बन्ने देखिन्छ । गरिएका कामको पनि राम्रै मूल्यांकन होला । तर, आफन्तको विश्वास गर्दा समस्या उत्पन्न हुन सक्छ, सजग रहनुहोला । यात्रागत कार्यमा सफलता मिल्नेछ । रसरागको भाव जागृत हुनेछ ।

तुला – विभिन्न अवसरले पछ्याउने समय छ । काममा अभिप्रेरित गर्नेहरू प्रशस्तै भेटिनेछन् । रमाइलो जमघटका बीच विशेष उपहार र स्वादिष्ट खानपानको आनन्द पाइएला । आफ्नै प्रयासले लाभ मिल्ने र व्यापारमा राम्रै फाइदा हुने देखिन्छ । तथापि, सहयोगीहरूले विपक्षीलाई साथ दिनाले काममा चुनौती देखिएलान् । खर्च पनि केही वृद्धि हुने सम्भावना छ । नियमकानूनले साथ दिनाले दायित्व पूरा गर्नुहुनेछ ।

वृश्चिक – आजको दिन केही चुनौती बढ्न सक्छ । काम बिग्रने डरले त्यसै-त्यसै सताइरहला । पुरानो कुनै कारणले झमेला आइलाग्न सक्छ । दाम्पत्यमा शंका र असमझदारी बढ्ने योग छ, सजग रही व्यवहार गर्नु उचित हुनेछ । परिस्थितिअनुसार चल्न नसक्दा दुःख मिल्न सक्छ । विवेकको सही प्रयोगले शत्रुपक्ष परास्त हुनेछ । सबल स्वास्थ्यका लागि खानपानमा ध्यान दिनुहोला । प्रतिकुलताका बाबजुद विशिष्ट व्यक्तित्वहरूसँग मित्रता गाँसिएला ।

धनु – इर्ष्यालुजनको मनोबल कमजोर रहनाले प्रतिस्पर्धीहरूलाई पछि पार्न सकिने समय छ । प्रयत्न गर्दा अप्ठ्यारा काम पनि सम्पादन हुनेछन् भने रमाइलो जमघटका बीच स्वादिष्ट भोजनको आनन्द पाइएला । मेहनतले जीवनशैलीमा परिवर्तन ल्याउनुका साथै हौसला जगाउनेछ । कुनै पनि प्रकारको शारीरिक र आर्थिक विकाससित सम्बन्धित कार्यमा सफलता मिल्ने योग छ । तथापि, आलोचकहरू बढ्न सक्छन्, व्यवहारमा विशेष सावधानी अपनाउनुहोला ।

मकर – कुनै विशेष योजना अघि बढाउन खोजिरहनुभएको छ भने उचित समय छ, हिम्मतले काम लिनुहोला । कर्मबल वृद्धि भइ सोचेअनुसार परिणाम हासिल हुने देखिन्छ । अध्ययन तथा अध्यापन कार्यमा राम्रै प्रगति होला । सहयोगीहरू भेटिनुका साथै नयाँ कामको प्रस्ताव आउने सम्भावना छ । धन आर्जनको योग छ । प्रेमको बन्धन कसिनुका साथै विपरीतलिंगीबाट लाभ मिल्नेछ । आरोग्यबल वृद्धि हुने र शत्रुपक्षलाई परास्त गर्न सकिनेछ ।

कुम्भ – बौद्धिक, रचनात्मक तथा कलात्मक काममा विशेष सफलता मिल्ने समय छ । मनको डर उत्साहमा रूपान्तरित हुने देखिन्छ । पारिवारिक सुखशान्ति बढ्नुको साथै कार्यसफलताले पछ्याउला । मित्रजनबाट विभिन्न सहयोग तथा उपहार प्राप्त हुने योग छ । आयआर्जन पनि राम्रै होला । फलदायी यात्रा गर्ने मौका जुर्न सक्छ । मन मिल्ने साथी भेटिए पनि मनको भाव व्यक्त गर्न उपयुक्त साइत पर्खनु हितकर होला ।

मीन – काम देखाएर विशेष उपलब्धि हात पार्न सकिने समय छ । विपरीतलिंगी मित्रको सहयोग जुट्ला । बोली र व्यक्तित्वको प्रभावले फाइदा उठाउन सकिने समय छ । मेहनतले धेरै काम बनाउन सकिएला । व्यवसायमूलक काममा राम्रै फाइदा हुने योग छ । आम्दानी बढ्नाले परिवारजनका आवश्यकता पूरा हुनेछन् । यात्रापरक काम बन्नेछ । उत्साह बढ्नेछ ।