प्रधानमन्त्री सुशीला कार्कीले वर्तमान सरकारका प्राथमिकताबारे आज (३ मङ्सिर) विभिन्न राजनीतिक दलसँग छलफल गर्दै छिन् । छलफल प्रधानमन्त्री तथा मन्त्रिपरिषद्को कार्यालयमा अपराह्न ४ः०० बजे हुने प्रधानमन्त्रीको सचिवालयले जनाएको छ ।

गत भदौ २७ गते प्रधानमन्त्री कार्कीको नेतृत्वमा गठित अन्तरिम सरकारले आगामी फागुन २१ गते प्रतिनिधिसभाको निर्वाचन गर्ने घोषणा गरेको छ भने पछिल्लो समय निर्वाचनको माहोल बन्दै गएको सरकारको दाबी छ । तर, नेकपा (एमाले)ले चाहिँ संसद् पुनःस्थापना हुनुपर्ने धारणा अघिसारेको छ । संसद् पुनर्स्थापनाका लागि अदालत गुहार्नेदेखि सडकमै उत्रनेसम्मको तयारी सो पार्टीले गरेको छ ।